Orta Aziya elderi basşılarınıñ törtinşi konsul'tativti kezdesui öz märesine jetti. Birqatar mañızdı qwjattarğa qol qoyılıp, ortaq mälimdemeler jasadı. foto: Qırğızstan Prezidenti apparaturası.

Qırğızstannıñ Çolpon-Ata qalasında ötken Ortalıq Aziya elderiniñ basşılarınıñ törtinşi Konsul'tativti kezdesuinde taraptar birqatar qwjattardı qabıldadı jäne birlesken mälimdemesin jariyaladı. Qatarında Öñirlik ıntımaqtastıqtı damıtu boyınşa 2022-2024 jıldar aralığına arnalğan jol kartası da bar.

Aqordanıñ baspasöz qızmeti habarına qarağanda, Çolpon-Atada qabıldanğan qwjattar qatarında Ortalıq Aziya memleketteriniñ köpjaqtı formattar ayasındağı özara is-qimıldarınıñ twjırımdaması; Ortalıq Aziyağa arnalğan «Jasıl kün tärtibi» attı aymaqtıq bağdarlamalar bar. Soñğı atalğan bağdarlama ayasında Araldıñ ekologiyalıq jağdayın aymaqtıñ ortaq mäselesinde qarastıra otırıp şeşu közdelgen.

Eñ mañızdısı OA HHİ ğasırda aymaqtı damıtudı közdeytin dostıq, tatu körşilik jäne ıntımaqtastıq turalı şarttı bekitti. Mälimetterge qarağanda, bwl mañızdı şartqa Qazaqstan, Özbekstan jäne Qırğızstan prezidentteri qol qoyğan, al Täjikstan men Türkimenstan basşıları öz elindegi jolkartaları ayaqtalğannan keyin qol qoyatını aytılğan.

Sonday-aq, OA elderi prezidentteri Aral teñizin qwtqaru Halıqaralıq qorınıñ prezidenti Emomali Rahmonidıñ ökiletti merzimin wzartu boyınşa kelisken.

Tört töñirek köz tikken öñir basşılarınıñ bas qosuında qabıldanğan qwjattar aymaqtıñ ıntımaqtastıqtı tereñdetuge bağıttalğanı ayqın körinedi. Bwl qabıldanğan qwjattar men bağdarlamalar aymaq elderiniñ işki integraciyasın, sol arqılı jahandıq geosayasi qauipter men sın-qaterlerge qarsı ortaq jwmıluına jol aşadı dep ümittenemiz.

The Qazaq Times