Qazaqstan men Özbekstan şekaralıq ötkizu beketterin jöndeu jwmıstarına baylanıstı «jol kartasın» iske asıruğa kiristi – dep habarlaydı Özbekstan Keden komitetiniñ baspasöz qızmeti.

Özbekstan tarapı Qazaqstanmen aradağı sauda baylanısın damıtu üşin «Taşkent», «Gişt kuprik» jäne «Zangiota» ötkizu beketterine kürdeli jöndeu jwmıstarın ötkizip, halıqaralıq talaptarğa say jük tekseretin rengen qwrılğıların ornatpaq. Atalmış jwmıstardıñ barlığı 2018-2019 jıldar aralığında jüzege asırıladı dep kütilude. Eki el arasındağı keden qızmetin damıtuğa baylanıstı «jol kartası» qwjattarına Qazaqstan Respublikasınıñ prezidenti Nwrswltan Nazarbaev Özbekstanğa resmi is-saparmen barğanda qol qoyğan.

Özbekstan Keden komitetiniñ oyınşa, Qazaqstan men Özbekstannıñ şekaralıq ötkizu beketteriniñ kürdeli jöndeuden ötui adamdar men tauarlardıñ şekarada kezekte twruın azaytadı jäne eki el arasındağı sauda aynalımın birneşe esege arttıruğa mümkindik beredi.

“The Qazaq Times”