Foto: Today.kz

Birikken Wlttar Wyımınıñ mälimetinşe, älem ekonomikası jemqorlıq saldarınan jıl sayın 2,6 trln dollar joğaltadı. Al onıñ işinde para kölemi 1 trln dollardı qwraydı, dep habarlaydı Ria Novosti. 

"Jıl sayınğı para kölemi bir trillion teñge şamasında. Al jalpı älemdik ekonomika jemqorlıqtan jılına 2,6 trln dollardı joğaltadı. Birikken Wlttar Wyımınıñ damu bağdarlamasınıñ mälimetinşe, damuşı elderde jemqorlıq saldarınan bolatın şığındar eldi damıtuğa ketetin şığındardan 10 esege köp", - delingen BWW saytındağı habarlamada.

Transparency International mälimetine sensek, Resey, Ukraina jäne Qazaqstan sıbaylas jemqorlıq indeksi boyınşa älemde 131-şi orında eken. Biılğı jılı Birikken Wlttar Wyımınıñ Esirtki jäne qılmıs jönindegi basqarması men BWW-nıñ damu bağdarlaması bilim beru, densaulıq saqtau, sot pen demokratiyağa jemqorlıqtıñ qalay äser etetinin tüsindiruge arnalğan birlesken kampaniyasın dayındağan.

Osılayşa BWW para alu "kez kelgen qoğamnıñ äleumettik jäne ekonomikalıq damuına kedergi keltiretin auır qılmıs ekenin, degenmen eşbir el jemqorlıqtan saqtandırılmağanın" aytadı.

“The Qazaq Times”