قازاقستان جەمقورلىق يندەكسىندە قاي ورىندا؟

بىرىككەن ۇلتتار ۇيىمىنىڭ مالىمەتىنشە، الەم ەكونوميكاسى جەمقورلىق سالدارىنان جىل سايىن 2,6 ترلن دوللار جوعالتادى. ال ونىڭ ىشىندە پارا كولەمى 1 ترلن دوللاردى قۇرايدى، دەپ حابارلايدى ريا نوۆوستي. 

"جىل سايىنعى پارا كولەمى ءبىر تريلليون تەڭگە شاماسىندا. ال جالپى الەمدىك ەكونوميكا جەمقورلىقتان جىلىنا 2,6 ترلن دوللاردى جوعالتادى. بىرىككەن ۇلتتار ۇيىمىنىڭ دامۋ باعدارلاماسىنىڭ مالىمەتىنشە، دامۋشى ەلدەردە جەمقورلىق سالدارىنان بولاتىن شىعىندار ەلدى دامىتۋعا كەتەتىن شىعىنداردان 10 ەسەگە كوپ", - دەلىنگەن بۇۇ سايتىنداعى حابارلامادا.

Transparency International مالىمەتىنە سەنسەك، رەسەي، ۋكراينا جانە قازاقستان سىبايلاس جەمقورلىق يندەكسى بويىنشا الەمدە 131-ءشى ورىندا ەكەن. بيىلعى جىلى بىرىككەن ۇلتتار ۇيىمىنىڭ ەسىرتكى جانە قىلمىس جونىندەگى باسقارماسى مەن بۇۇ-نىڭ دامۋ باعدارلاماسى ءبىلىم بەرۋ، دەنساۋلىق ساقتاۋ، سوت پەن دەموكراتياعا جەمقورلىقتىڭ قالاي اسەر ەتەتىنىن تۇسىندىرۋگە ارنالعان بىرلەسكەن كامپانياسىن دايىنداعان.

وسىلايشا بۇۇ پارا الۋ "كەز كەلگەن قوعامنىڭ الەۋمەتتىك جانە ەكونوميكالىق دامۋىنا كەدەرگى كەلتىرەتىن اۋىر قىلمىس ەكەنىن، دەگەنمەن ەشبىر ەل جەمقورلىقتان ساقتاندىرىلماعانىن" ايتادى.

“The Qazaq Times”