Foto: Sputnik Qırğızstan.

Qırğızstan bir aydan astam uaqıt boyı Qazaqstan biliginiñ qıñırlığınan EAEO elderimen baylanıs ornata almay otır. Osıdan keyin kim Euraziyalıq ekonomikalıq odaqtı qwlatpaq? – dedi Almazbek Atambaev wlttıq keñes otırısında söylegen sözinde.

Qaraşa ayınıñ 15-si küni Bişkek qalasında ötip jatqan Wlttıq keñes otırısında Almazbek Atambaev qazaq-qırğız şekarasındağı dauğa baylanıstı pikir bildirdi. Onda ol: «Soñğı qarjı dağdarısı bizge qarağanda mwnay men gazğa bay körşilerimizge auır soqqı bolıp tidi. Biz Qırğızstanda valyuta terbelisi men JİÖ körsetkişin körşilerimizben salıstırğanda joğarı deñgeyde wstap qala aldıq. Ülken biznes jasau üşin ülken kölemdegi twtınuşı qajet. Sol sebepti biz EAEO-ğa müşe boldıq. Men bwnı dwrıs şeşim dep esepteymin jäne aldağı uaqıtta biz atalmış odaqta qaluımız kerek. Men bwl sözderdi ne üşin qaytalap otırmın? Sebebi men künde reseylik jäne qazaqstandıq BAQ-tı oqimın. Onda «Atambaev Euraziyalıq ekonomikalıq odaqtı qwlatpaq» dep jazuda. Qırğızstan bir aydan astam uaqıt boyı Qazaqstan biliginiñ qıñırlığınan EAEO elderimen baylanıs ornata almay otır. Osıdan keyin kim Euraziyalıq ekonomikalıq odaqtı qwlatpaq? Bwnday pikirdi tek aqımaqtar men bwl jağdaydı körgisi kelmeytinder ğana aytadı. Qırğızstan Atambaevtıñ "qırğız eliniñ işki sayasatına aralaspañdar" degen sözi üşin qorşauda qalıp otır. Meni tañ qalatınım EAEO-ğa müşe özge memleketter bwl mäselege mülde bas qatırmauda. Euraziyalıq ekonomikalıq odaq komissiyasınıñ törağası Tigran Sarkisyan osı mäseleni şeşu üşin osı arada şır-pır bolıp jügirui tiis bolğan. Biraq olardıñ bwğan tükirgeni bar. Osıdan keyin olar Qırğızstan jayında äñgime qozğaydı» - dedi.

Esteriñizge salayıq, qazaq-qırğız şekarasındağı dau qazan ayınıñ 10-ı küninen bastalğan. Sol künen bastap Qazaqstan tarapı Qırğızstanmen aradağı şekaranı küşeytilgen rejimde jwmıs isteuge köşirgen bolatın.

“The Qazaq Times”