Sooronbay Jeenbekov. Foto: Sputnik Qırğızstan.

Jaqın uaqıtta qazaq-qırğız şekarasındağı dau şeşiletin boladı –dep mälimdedi Qırğızstannıñ su jaña prezidenti Sooronboy Jeenbekov.

Sooronbay Jeenbekov prezident saylauınan beri alğaş ret reseylik RIA Novovsti aqparat agenttigine bergen swhbatında: «Qazaq-qırğız qarım-qatınası ortaq tarih, ortaq mädeniet, ortaq din jäne bauırlastıq negizinde qwrılğan. Eki el şekarasındağı qazirgi dau uaqıtşa dünie. Bwl mäseleni şeşu üşin qos tarap birneşe ret kezdesuler ötkizdi. Aldağı uaqıtta qazaq-qırğız qarım-qatınasındağı tüsinispestik mindetti türde şeşiletinine men senimdimin» - degen.

Esteriñizge salayıq, bwğan deyin Qırğızstan prem'er-ministri Sapar Isakov Taşkent qalasında ötken TMD elderi ükimet basışıları keñesiniñ kezekti otırısında Qazaqstan biligin qatañ sınğa alğan. Ol onda Qazaqstan tarapınıñ şekaranı negizsiz küşeytkenin aytıp, bwl mäsele şeşilmese aldağı uaqıtta Düniejüzi sauda wyımında atalmış mäseleni köteretindigin mälimdegen bolatın.

“The Qazaq Times”