Bügin Almatıda Äl-Farabi atındağı Qazaq wlttıq universitetinde körnekti ğalım, qoğam qayratkeri Twrsınbek Käkişevtiñ 90 jıldığına arnalğan "Twrsınbek Käkişwlı jäne ädebiet tarihınıñ özekti mäseleleri" attı halıqaralıq ğılımi-praktikalıq konferenciya ötti.

Sonday-aq, QazWU-dıñ Filologiya jäne älem tilderi fakul'tetinde professor atındağı därishana aşıldı.

Konferenciyada QazWU-dıñ birinşi prorektorı Mwhambetqali Bürkitbaev jäne aqın Nwrlan Orazalin, f.ğ.d., professor Äbsattar Derbisäliev, QR WĞA akademigi Uälihan Qalijan sındı azamattar qatısıp, Twrsınbek Käkişev jaylı söz söylep, estelikterin ayttı. 

Ayta keteyik, bwğan deyin ädebietşi ğalım Twrsınbek Käkişevtiñ 90 jıldığına oray "Er Jänibek" halıqaralıq qoğamdıq qorı futboldan halıqaralıq turnir wyımdastırıp, älemniñ altı elinen jäne Qazaqstannıñ jan-jağınan kelgen 20 komanda baq sınağan.

“The Qazaq Times”