Almatıda sanalı ğwmırın wlt ädebieti men mädenietiniñ örkendeuine, ğılımı men biliminiñ damuına arnağan qazaq halqınıñ ardaqtı perzenti, körnekti ğılım jäne qoğam qayratkeri Twrsınbek Käkişevtiñ 90 jıldıq mereytoyına arnalğan saltanattı keş ötti. 

Saltanattı keşte Almatı qalası äkiminiñ orınbasarı Arman Qırıqbaev söz söylep, keştiñ şımıldığın aştı.

Sonday-aq, keşte  Qazaqstan Jazuşılar odağınıñ törağası, Memlekettik sıylıqtıñ laureatı, aqın Nwrlan Mırqasımwlı Orazalinge berildi.

Keşke kelgen qonaqtar. Foto: Däuren Äbdildinov

Keşte Twrsınbek Käkişevke arnalğan arnayı video körsetilip, onıñ  1943 jıldan 80-şi jıldarğa deyin  halıqtıñ sağınışına aynalğan aytıs öneriniñ jandanuına üles qosqanı jaylı aytıldı. Aqın Amanjol Ältaev ğwlama ğalımğa arnauın oqıdı.

Sonday-aq, keşke Ramazan Stamğaziev, Gülzat Däuirbaeva, Talğat Äbuğazı, Lälä Baqıtnwrqızı sındı änşiler qatısıp, Twrsınbek Käkişevtiñ ğılımi zertteuine aynalğan Säken Seyfullinniñ änderin orındadı. Dramaturg Qanat Jünisov Twrsınbek ağanıñ ötinişimen jazılğan «Säkenniñ monologin» oqıdı.

"Säken monologin" oqığan Qanat Jünisov. Foto: Däuren Äbdildinov

Twrsınbek Käkişev jer şarınıñ tükpir-tükpirinen qazaqtı izdegen atajwrtqa oralğan qandastardı bauırına basqan twlğa. «Er Jänibek» halıqaralıq qoğamdıq qorın qwrıp, elge, jerge qorğan batır babanıñ aruağın asqaqtatqan köptegen istiñ bası-qasında özi jürdi. Saltanattı keşte ğalımnıñ osınday adamdıq qasietteri men eñbekteri  eskerusiz qalmadı. Türki jwrtına belgili ğalım Äbduaqap Qara men Franciyadan kelgen Täbärik Doolu ğalım jaylı estelikterimen bölisti.

Parijdegi qazaq mädeni ortalığınıñ jetekşisi Täbärik Doolu. Foto: Däuren Äbdildinov

Ayta keteyik, bwğan deyin Twrsınbek Käkişevtiñ 90 jıldığına oray QazWU Filologiya fakul'tetinde ğalım atındağı därishana aşıldı jäne "Er Jänibek" halıqaralıq qoğamdıq qorı futboldan halıqaralıq turnir wyımdastırıp, älemniñ altı elinen jäne Qazaqstannıñ jan-jağınan kelgen 20 komanda baq sınağan.

“The Qazaq Times”