«ER JANIBEK CUP» halıqaralıq turniriniñ jalauı. Foto: QT

Almatıda «Er Jänibek» halıqaralıq qoğamdıq qorınıñ wyımdastıruımen şağın futboldan dästürli «ER JANIBEK CUP-2017» halıqaralıq turniri bastaldı. Biılğı kubok belgili ğalım, filologiya ğılımdarınıñ doktorı, professor Twrsınbek Käkişevtiñ 90 jıldıq mereytoyına arnalıp otır.

Turnirdiñ aşılu saltanatına Dünie jüzi qazaqtarı qauımdastığı mädeniet ortalığınıñ jetekşisi Swltanäli Balğabaev söz alıp, jarıstıñ aşıluımen qwttıqtadı.

Dünie jüzi qazaqtarı qauımdastığı mädeniet ortalığınıñ jetekşisi Swltanäli Balğabaev. Foto: QT

"Eñ aldımen bügingi qazaq halqı üşin ülken oqiğa bolıp sanalatın bügingi ülken jarıstıñ bastaluımen qwttıqtaymın. Men mwnda Dünie jüzi qazaqtarı qauımdastığı törağasınıñ birinşi orınbasarı Zauıtbek Twrısbekovtıñ tapsırmasımen kelip, sol kisiniñ sälemin jetkizip otırmın. Osı şaranı wyımdastırıp otırğan "Er Jänibek" qorına alğıs aytamın. Mwnday şaranı wyımdastıru da oñay emes. Qauımdastıq Almatıdan Astanağa köşuine baylanıstı bwğan tolıq qatısa almay qaldı. Al endigi jılı mwnday jarıstar joğarı deñgeyde ötedi. Qauımdastıq bwğan belsene aralasatınına senim bildiremin", - dedi Swltanäli Balğabaev.

Qoğam jäne memleket qayratkeri Baltaş Twrsınbaev ta turnirdiñ aşıluımen qwttıqtadı.

Qoğam jäne memleket qayratkeri Baltaş Twrsınbaev. Foto: QT

"Biz memleket retinde, halıq retinde esimizdi jinap, bir birimizdi izdep tauıp, tanısıp, öz wltımızdıñ dästürin qosıp jatırmız. Qor birneşe künnen beri qoldarınan kelgen eñbekterin jasap, belsendi kirisip, bügin sizderdiñ bastarıñızdı qosıp, osınday sayıs ötkizip jatır. Mwnday sayıstar jii bolıp twrsın. Basımız qosıla bersin", - dep tilek bildirdi Baltaş Twrsınbaev.

Sonday-aq, akademik, "Er Jänibek" halıqaralıq qorınıñ qwrmetti törağası Maqswt Temirbay söz söyledi.

Er Jänibek" halıqaralıq qorınıñ qwrmetti törağası Maqswt Temirbay. Foto: QT

"Bügingi köpşilikke arasındağı turnir Twrsınbek ağamızğa arnalıp otır. Twrsınbek ağa ömir boyı öziniñ bilimin qazaq eline arnap, köp ülesin qostı. Ağamız ğılımi jağınan bolsın, adamgerşilik jağınan bolsın bizge ülgi bolıp keledi. Ol kisi sonday ülken isterdi jasap, osınday isterdiñ sara jolın körsete bildi", - dedi Maqswt Temirbay.

QazWU Filologiya jäne älem tilderi fakul'tetiniñ dekanı, professor Ömirhan Äbdimanwlı da turnirdiñ aşılu saltanatında komandalarğa jeñis tiledi.

QazWU Filologiya jäne älem tilderi fakul'tetiniñ dekanı, professor Ömirhan Äbdimanwlı. Foto: QT

"Bügingi turnir qazaqtıñ wlı qayratkeri, ğwlama ğalımı, wlağattı wstazı, osı Qazaq Wlttıq universitetine 50 jıl sanalı ğwmırın arnağan, ataqtı qazaq, adal qazaq Twrsınbek Käkişwlına arnalıp otır.  90 jıldığı. Twrsekeñniñ armanı edi "Men 90-nan asamın" deytin. Ätteñ, 90-ğa säl ğana jetpey qaldı. Biraq bügingi wrpağı 90 jıldığın 90 ğasırğa asıratınday osınday şaralardı wyımdastırıp jatır. Al bügingi osı turnirge kelgen qazaq jigitteri, şetelden kelgen azamattarğa, barlığıñızğa jeñis tileymin", - dedi Ömirhan Äbdimanwlı.

Turnirdiñ aşıluında söz söylegen «Er Jänibek» halıqaralıq qoğamdıq qorınıñ prezidenti Jeñis Türkiya kelgen qonaqtarğa alğısın bildirip, qatısuşı komandalarğa sättilik tiledi.

«Er Jänibek» halıqaralıq qoğamdıq qorınıñ prezidenti Jeñis Türkiya. Foto: QT

"Biıl İİİ kezekti ötkizilip otırğan «ER JANIBEK CUP-2017» halıqaralıq turnirine kelgenderiñiz üşin alğıs aytamın. Dünieniñ tüpkir-tüpkirinen kelip, jinalıp, osınday dodağa qatısıp otırğan barlıq komandağa jeñis tileymin", - dedi Jeñis Türkiya.

Sonday-aq, jarısqa kelgen qandastarımız osınday is-şaralardıñ  wyımdastırılğanına alğıs bildirdi.

"Parij Kazakh sport" futbol komandasınıñ jetekşisi Täbärik Doolu. Foto: QT

"Franciyadan atamekenimizge baramız degen qazaq jigitteri köp.  Bizdiñ maqsatımız - älemdegi qazaq jastarına öz mädenietin, tarihın, dästürin tanıtu. Qazaq eliniñ ruhani jañğıruına üles qosqan jäne "şeteldegi qandastarımız" dep bizge köz qırın salıp jürgen osınday qoğamdıq qorlarğa, elimizge alğıs bildiremiz", - dedi Franciyadan kelgen "Parij Kazakh sport" futbol komandasınıñ jetekşisi Täbärik Doolu.

«Er Jänibek» halıqaralıq qoğamdıq qorınıñ «ER JANIBEK CUP» turniri  - biıl İİİ ret ötip otır. Qazaqstannıñ tüpkir-tüpkirinen jäne Iran, Franciya, Qıtay, Resey, Moñğoliya elinen kelgen 20 komanda baq sınap jatqan  jarıstıñ jülde qorı - 2 million teñgeni qwraydı.

Franciyadan kelgen "Parij Kazakh sport" futbol komandası. Foto: QT

Turnirge qatısuğa kelgen komandalar mınalar: ""Qazaq Stambwl" (Türkiya), Ämir" (Resey, Saratov qalası), "Üştas" (Qıtay, Beyjiñ) "Parij Kazakh sport" (Franciya, Parij), "Namıs" (Resey, Ombı qalası), "Bayölke" (Moñğoliya), "Alaş" (Qırğızstan), "Dastan" (Iran), "NFC Kazakhstan Pavlodar" (Qazaqstan, Pavlodar), "Taymas" (Qazaqstan, Soltüstik Qazaqstan oblısı), "Namıs" (Qazaqstan, Türkistan qalası), "Jerwyıq" (Qazaqstan, Taldıqorğan qalası) jäne Almatı qalasınan kelgen "Birlik-Keruen", "Sauır", "Erentau", "Üşqoñır", "Besqala", "Barıs", "Alatau", "Ğafur" komandaları.

“The Qazaq Times”