Qırğızstan Qazaqstanmen şekara dauına baylanıstı Dünie jüzi sauda wyımına şağım tüsirdi

Qırğızstan biligi Qazaqstanmen aradağı şekara dauına baylanıstı Dünie jüzi sauda wyımına hat joldadı.

Hat qazan ayınıñ 17-si küni Qazaqstan tarapınıñ şekaranı jauıp tastauına baylanıstı joldanğan. Qırğız biligi jibirgen hatta: «Qazaqstan Respublikası Dünie jüzi sauda wyımınıñ sauda jäne tarif kelisimine qaramastan qazan ayınıñ 10-ı küni Qazaqstan-Qırğızstan, Qazaqstan-Resey şekaraların sebepsizden-sebepsiz jauap tastadı. Qırğız biligi Qazaqstan Respublikası siyaqtı Dünie jüzi sauda wyımınıñ tolıqqandı müşesi retinde wyım ayasında öz qwqığın qorğaytın boladı» - delingen. Qırğız ükimeti baspasöz qızmetiniñ taratqan mälimeti boyınşa, Qazaqstan biligi el şekarasın jauıp tastağalı beri «Aq-jol» jäne «Aq-tilek» beketterinen ötetin jük tasmalı 2,4 esege azayğan.

Esteriñizge salayıq, Qazaqstan qazan ayınıñ 10-ı küni Qırğızstanmen aradağı şekarasın küşeytilgen rejimge köşirgen bolatın. Şeteldik jäne qazaqstandıq sarapşılardıñ sözinşe, Aqordanıñ bwnday qadamğa baruına qırğız prezidenti Almazbek Atambaevtıñ qazaq biligine qarata aytqan pikiri sebep bolğan. Biraq resmi Astana şekaradağı bwl jağdaydı qauipsizdik şaraların küşeytu dep tüsindirgen. Qazaqstan biliginiñ bwnday şeşim qabıldauına sebepte joq emes, öytkeni bwğan deyin Almazbek Atambaev «saylau aldında elde memlekettik töñkeris boluı mümkin» dep mälimdegen bolatın.

“The Qazaq Times”