قىرعىزستان قازاقستانمەن شەكارا داۋىنا بايلانىستى دۇنيە ءجۇزى ساۋدا ۇيىمىنا شاعىم ءتۇسىردى

قىرعىزستان بيلىگى قازاقستانمەن اراداعى شەكارا داۋىنا بايلانىستى دۇنيە ءجۇزى ساۋدا ۇيىمىنا حات جولدادى.

حات قازان ايىنىڭ 17-ءسى كۇنى قازاقستان تاراپىنىڭ شەكارانى جاۋىپ تاستاۋىنا بايلانىستى جولدانعان. قىرعىز بيلىگى جىبىرگەن حاتتا: «قازاقستان رەسپۋبليكاسى دۇنيە ءجۇزى ساۋدا ۇيىمىنىڭ ساۋدا جانە تاريف كەلىسىمىنە قاراماستان قازان ايىنىڭ 10-ى كۇنى قازاقستان-قىرعىزستان، قازاقستان-رەسەي شەكارالارىن سەبەپسىزدەن-سەبەپسىز جاۋاپ تاستادى. قىرعىز بيلىگى قازاقستان رەسپۋبليكاسى سياقتى دۇنيە ءجۇزى ساۋدا ۇيىمىنىڭ تولىققاندى مۇشەسى رەتىندە ۇيىم اياسىندا ءوز قۇقىعىن قورعايتىن بولادى» - دەلىنگەن. قىرعىز ۇكىمەتى ءباسپاسوز قىزمەتىنىڭ تاراتقان مالىمەتى بويىنشا، قازاقستان بيلىگى ەل شەكاراسىن جاۋىپ تاستاعالى بەرى «اق-جول» جانە «اق-تىلەك» بەكەتتەرىنەن وتەتىن جۇك تاسمالى 2,4 ەسەگە ازايعان.

ەستەرىڭىزگە سالايىق، قازاقستان قازان ايىنىڭ 10-ى كۇنى قىرعىزستانمەن اراداعى شەكاراسىن كۇشەيتىلگەن رەجيمگە كوشىرگەن بولاتىن. شەتەلدىك جانە قازاقستاندىق ساراپشىلاردىڭ سوزىنشە، اقوردانىڭ بۇنداي قادامعا بارۋىنا قىرعىز پرەزيدەنتى المازبەك اتامباەۆتىڭ قازاق بيلىگىنە قاراتا ايتقان پىكىرى سەبەپ بولعان. بىراق رەسمي استانا شەكاراداعى بۇل جاعدايدى قاۋىپسىزدىك شارالارىن كۇشەيتۋ دەپ تۇسىندىرگەن. قازاقستان بيلىگىنىڭ بۇنداي شەشىم قابىلداۋىنا سەبەپتە جوق ەمەس، ويتكەنى بۇعان دەيىن المازبەك اتامباەۆ «سايلاۋ الدىندا ەلدە مەملەكەتتىك توڭكەرىس بولۋى مۇمكىن» دەپ مالىمدەگەن بولاتىن.

“The Qazaq Times”