Foto: kapital.kz

«Bank RBK» AQ öziniñ qarjılıq twraqtılığın nığaytuğa bağıttalğan şaralar keşenin äzirlep jatır. Bwl turalı banktiñ baspasöz qızmeti habarladı. 

Qarjı institutınıñ mälimetinşe, şaralar "banktiñ qarjılıq twraqtılığına baylanıstı narıqtağı alıp qaşpa äñgimelerdi nazarğa ala otırıp" jasalıp jatır.

"Atalğan şaralar keşenine qarjı institutın kapitaldandıru, qosımşa ötimdilikti qamtamasız etu, biznes-model'di jetildiru jäne problemalı qarızdarmen jwmıs isteu kiredi. Bank akcionerleriniñ biri Vladimir Kim is-şaralar keşenin äzirleu üşin özge akcionerlermen, QR Wlttıq Bankimen jäne Qazaqstan Ükimetimen kelissözderge bastamaşılıq etti. Sonday-aq memleket pen jeke biznestiñ ıntımaqtastığı ayasında bankti kapitaldandıru şarttarı talqılanuda", - delingen baspasöz habarlamasında.

Banktiñ mälimetinşe, 2017 jıldıñ 1 qırküyegindegi jağday boyınşa qarjı institutınıñ aktivteri 1 017,3 mlrd teñgeni, nesielik portfel' – 723,0 mlrd teñgeni, klient qarajatı – 594,5 mlrd teñgeni qwradı, onıñ işinde jeke twlğalardıñ salımdarı – 206,7 mlrd teñge. Banktiñ özindik kapitalı 96,9 mlrd teñgeni, jarğılıq kapitalı - 64,4 mlrd teñgeni qwradı. Banktiñ 2017 jılğı 8 aydağı tabısı - 2,5 mlrd teñge.

Ayta keteyik, bwdan bwrın Vladimir Kim Wlttıq banktiñ sauıqtıru bağdarlamasına qatısu üşin «Bank RBK» AQ-nı kapitaldandıruğa 20 mrld teñge jwmsaytını turalı habarlanğan. Sonday-aq, «Bank RBK» AQ men «Qazaq Banki» AQ akcionerleriniñ qarjı instituttarın biriktiru turalı kelissöz jürgizgeni mälim. Eger eki bank birigetin bolsa qarjı wyımı Bank RBK dep ataluı mümkin.

“The Qazaq Times”