Foto: APF/REUTERS

Fillipinniñ Prezidenti Rodrigo Duterte öziniñ 42 jastağı wlı Paolo Dutertege tağılğan "esirtki saudasına qatısı bar" degen ayıptar rastalsa, wlın öltirgen policiya qızmetkerin jazağa tartpaytının habarladı. Bwl - memleket basşısınıñ soñğı bir jılda  esirtkimen baylanısı bar degen küdiktilerge qarsı jariyalağan jappay jazalau şarasına narazılıq bildirgenderge bergen jauabı. Bwl turalı APF jäne BBC aqparattıq agenttikteri jazdı. 

Policiyanıñ resmi derekterine süyensek, ötken jıldıñ ortasında bastalğan naşağa qarsı operaciyalardıñ nätijesinde  3 mıñ 800 adam qaza tapqan. Qauipsizdik qızmetkerleriniñ tüsindiruinşe, olardıñ barlığı - qolğa tüsiru barısında qarsılıq bildirgender. Rodrigo Duterte öz sözinde policiyanıñ zañ bwzuşılıqtarğa jol beruine qarsı ekenin, degenmen olarğa özderin qorğau barısında operaciya kezinde qaru qoldanğan ne basqa äreket arqılı küş körsetken azamattardı sotsız oqiğa ornında öltiruge rwqsat beretinin jii aytıp keledi. APF aqparattıq agenttigi resmi derekten bölek, atalğan operaciyalardıñ atın jamılıp, mıñdağan adamdar tüsiniksiz jağdaylarda ölim qwşqanın jazdı.

Rodrigo Duterte: "Eger meniñ balalarımnıñ biri naşamen baylanıssa, halıq meni öz balasına kelgende janaşırlıq tanıttı degen oyğa qalmauı üşin, onı birden öltirer edim. Men Paoloğa "Esirtkimen wstalsañ, seni öltiremin äri seniñ ömiriñdi qiğan policiya qızmetkerin sottan qorğap qalamın", - dep eskerttim".

Osı aydıñ basında Paolo Duterte Senattıñ aldında öziniñ Qıtaydan Fillipinge teñiz jolı arqılı esirtki tasımaldağanı jönindegi ayıptıñ negizsiz ekenin aytıp, Oppoziciya ökili taqqan kinäni moynına aludan bas tartqan bolatın.

“The Qazaq Times”