Foto: inform.kz

Är minut, är sağat, är kün sayın elimizde, älemde halıqtı eleñ etkizer mañızdı jañalıqtar boladı. Al onıñ biri közge ilinse, endi biri nazardan tıs qalıp jatadı. Endeşe The Qazaq Times oqırmandarı üşin 4-9 qırküyek aralığında bolğan eñ mañızdı ekonomika jañalıqtarına şolu jasaydı. 

Almatıda benzin qımbattadı

Osı aptada Qazaqstanda benzin men dizel' otınınıñ bağası tamız ayınan bastap birtindep qımbattağanı turalı mälim boldı. Mısalı Almatı qalasında AI-92 markasınıñ litri - 145-147 teñge  (tamız ayında 143 teñge bolğan), dizel' otınınıñ litri - 145-147 teñge (1 teñgege qımbattağan), AI-95 markası —158-159 teñge aralığında satılıp jatır.

Qonaqjay elderdiñ tizimi: Qazaqstan qay orında?

Passport Index portalı älemdegi qonaqjay elderdiñ tizimin jariyaladı.   Reyting nätijesi boyınşa, Qazaqstan 74 orında. Al eñ qonaqjay elderdiñ alğaşqı ondığın Komor araldarı odağı, Kot-d'Ivuar, Gvineya-Bisau, Madagaskar, Mal'div, Mavritaniya, Mikroneziya Federativti Ştatı, Mozambik, Samoa bastap twr. Odan keyingi orındarğa Seyşel, Şığıs Timor, Togolez Respublikası, Tuvalu jäne Uganda jayğasqan.

Keñes kezindegi elderdiñ işinde Armeniya 29 orında bolsa, Ukraina - 49, Gruziya – 51, Qırğızstan 60 orındı ielenip, Qazaqstannan bwrın twr. Resey - 83, Özbekstan – 96, Äzerbayjan – 97 orında.

Qazaqstanda jeke kriptovalyuta qaşan payda boladı?

QR Qarjı ministrliginiñ Memlekettik kirister komiteti kriptavalyutanı iske qosudıñ bazisi qalay dayındalıp jatqanı turalı ayttı. Komitettiñ mälimetinşe, kriptovalyutağa ötu eldiñ salıq jüyesin oñtaylandıruğa qatıstı şaralar qabıldanğannan keyin jüzege asadı. Sonday-aq, komittettiñ aqparatınşa, eñ aldımen qosımşa qwn salığın äkimşilendiru ayasında blokçeyn tehnologiyasın engizu ayaqtalu kerek. Al bwl jüye QQS-nı qaytarudı avtomattandıradı jäne jemqorlıq pen alayaqtıq isterdiñ aldın aladı.

Energetika ministrligi benzinniñ ne üşin qımbattağanın tüsindirdi 

QR Energetika ministrligi benzin bağasınıñ nelikten qımbattağanın tüsindirdi. Vedomstvonıñ sözinşe, bağanıñ qımbattauı Resey janarmayınıñ importtaluımen  baylanıstı. "Qazir Resey benzininiñ ülesi köbeydi, bağa biraz qımbattaydı. Qazir bağanıñ qwbılu mausımı, sebebi zauıt jwmıstarı toqtağan soñ swranıs artadı. Biz qazan ayınıñ soñına deyin balans retteledi dep oylaymız. Bağa narıq jağdayına baylanıstı boladı", - degen edi ministrlik ökili Quanış Qwdaybergenov.

Ayta keteyik, Ükimet teñge qwbılsa, benzin qımbattasa, ekonomika älsirese Resey narığımen baylanıstırudı ädetke aynaldırğan. Mümkin şınımen de solay şığar. Alayda "zauıttar jöndeu jwmıstarı üşin jabılatın bolsa, öndiris nege artıq orındalmağan?" degen swraq tuındaydı. Onıñ üstine benzin bağası qımbattap, onıñ qayta tüsui osı uaqıtqa deyin bola qoyğan joq.

Resey Qazaqstan qantınan bas tartqısı keledi

Reseydiñ auıl şaruaşılıq ministrligi Qazaqstan men Belarus' qantınıñ importın şekteudi wsındı. Ministrlik mwnday wsınıstı otandıq öndiriske qoldau bildiru üşin jasap otır. Federaciyanıñ auıl şaruşılıq ministri Aleksandr Tkaçevtiñ sözinşe, atalğan eki el qanttı baj salığınsız importtap otır jäne bwl Euraziyalıq ekonomikalıq odaq elderi arasındağı narıq jağdayın qiındatadı äri reseylik öndiruşiler üşin tiimsiz eken.

Oşaqbaev: Qazaqstan teñge kursın erkin aynalımğa jibermeu kerek 

Teñge kursın erkin aynalımğa jiberu sayasatı Qazaqstanğa tiimsiz. Sondıqtan Wlttıq bank kurstı belgileu jüyesin qarastıru kerek. "Talap" qoldanbalı zertteu ortalığı" qoğamdıq qorınıñ direktorı Raqım Oşaqbaev osılay mälimdediEkonomistiñ tüsindiruinşe, ortalıq eldegi inflyaciyanıñ ösuine äser etip otırğan negizgi faktorlarğa zertteu jürgizgen. Nätije boyınşa, Ükimet pen Wlttıq banktiñ bağanıñ köteriluine qarsı şaraları tek 50%-ğa tiimdi bolıp otır.

"Qazaqstandağı inflyaciyanıñ joğarılauınıñ bastı faktorı - teñgeniñ qwbıluı. Bizdiñ oyımızşa, bwl faktordı retteu qolğa alınbasa, inflyaciyanı twraqtandıru bilikke qiın boladı. Al basqaları - satıuşlarmen, spekulyanttarmen küresu jäne qorlardı twraqtandıru  eş tiimdi bolmaydı. Sondıqtan bizdiñ ortalıq teñge kursın belgileu jüyesine qayta oralu kerek dep esepteydi", - dedi ol.

“The Qazaq Times”