![](https://qazaqtimes.com/kk/content/uploads/2023/02/COnfsfS7jwhFQN2SR4G9hWt2xpELCpNJgDAq2PIM.jpg_width1200XheightautoXtype1-800x480.jpg?token=5ad95a6a1ff2374413a127c3d4d08fd0)
Ötken jılı prezident Qasım-Jomart Toqaevtıñ jieni Qanış İzbastinniñ «ıqtimal aktivteri» turalı jazba jariyalağan jurnalist, bloger Mahambet Äbjandı 9 jılğa qamaldı.
Ükim 3 aqpanda Astana qalasınıñ qılmıstıq ister jönindegi mamandandırılğan audanaralıq sotında oqıldı.
Äbjanğa Qılmıstıq kodekstiñ 274-babı «körineu jalğan aqparat taratu» – «Qoğamdıq tärtipti bwzu nemese azamattardıñ nemese wyımdardıñ qwqıqtarı men zañdı müddelerine ne qoğamnıñ nemese memlekettiñ zañmen qorğalatın müddelerine eleuli ziyan keltiru qaupin töndiretin körineu jalğan aqparat taratu, bwqaralıq aqparat qwraldarın nemese telekommunikaciyalar jelilerin paydalana otırıp jasalğan däl sol is-äreke, azamatqa, wyımğa nemese memleketke iri zalal keltiruge nemese özge de auır zardaptarğa äkep soqqan is-äreketter» boyınşa ayıp tağılğan.
2022 jıldıñ 3 şildesinde 39 jastağı jurnalist äri bloger Mahambet Äbjandı sıbaylas jemqorlıqqa qarsı is-qimıl agenttigi «ol bir käsipkerden 50 million teñge bopsaladı» dep twtqındağan. Äbjan tağılğan ayıptardı joqqa şığarğan. Juranlist qamauğa alınardan bwrın telegram-arnasında özin qaralaytın jalğan aqparattar taralıp jatqanın jazğanbolatın.
Äbjannıñ qamaluın keybir sarapşılar prezident Qasım-Jomart Toqaevtıñ jieniniñ kriptovalyuta öndiretin fermağa qatıstı «ıqtimal aktivteri» turalı jazba jariyalağandığına baylatıstıradı.