Qazaqstan 2018 jılı Birikken Wlttar Wyımınıñ Qauipsizdik keñesinde törağalığı kezinde älemdik beybitşilik pen qauipsizdik taqırıbında debat wymdastıratın boladı, dep mälimdedi QR Sırtqı ister ministri Qayrat Abdrahmanov.

Qayrat Abdrahmanov «Kazahstanskaya pravda» gazetine bergen swhbatında: «Biz törağalıq merzim aralığında BWW-nıñ Qauipsizdik keñesinde memleket basşısınıñ qatısuımen älemdegi beybitşilik jäne qauipsizdik taqırıbında debat ötkizudi josparlap otırmız. Bwdan bölek biz ministrlikter deñgeyinde Ortalıq Aziya men Auğanstan boyınşa, elşiler deñgeyinde Tayau Şığıs jayında debattar ötkizbekpiz» - degen.

Qayrat Abdrahmanovtıñ aytuınşa, qırküyek ayında N'yu-York qalasında ötetin BWW Bas Assambleyasınıñ kezekti otırısında bolatın sayasi pikirtalastardı baqılau arqılı Qazaqstan törağalıq bağdarlamasın jasap şığatın boladı.

“The Qazaq Times”