قازاقستان 2018 جىلى بىرىككەن ۇلتتار ۇيىمىنىڭ قاۋىپسىزدىك كەڭەسىندە توراعالىعى كەزىندە الەمدىك بەيبىتشىلىك پەن قاۋىپسىزدىك تاقىرىبىندا دەبات ۇيمداستىراتىن بولادى، دەپ مالىمدەدى قر سىرتقى ىستەر ءمينيسترى قايرات ابدراحمانوۆ.

قايرات ابدراحمانوۆ «كازاحستانسكايا پراۆدا» گازەتىنە بەرگەن سۇحباتىندا: «ءبىز توراعالىق مەرزىم ارالىعىندا بۇۇ-نىڭ قاۋىپسىزدىك كەڭەسىندە مەملەكەت باسشىسىنىڭ قاتىسۋىمەن الەمدەگى بەيبىتشىلىك جانە قاۋىپسىزدىك تاقىرىبىندا دەبات وتكىزۋدى جوسپارلاپ وتىرمىز. بۇدان بولەك ءبىز مينيسترلىكتەر دەڭگەيىندە ورتالىق ازيا مەن اۋعانستان بويىنشا، ەلشىلەر دەڭگەيىندە تاياۋ شىعىس جايىندا دەباتتار وتكىزبەكپىز» - دەگەن.

قايرات ابدراحمانوۆتىڭ ايتۋىنشا، قىركۇيەك ايىندا نيۋ-يورك قالاسىندا وتەتىن بۇۇ باس اسسامبلەياسىنىڭ كەزەكتى وتىرىسىندا بولاتىن ساياسي پىكىرتالاستاردى باقىلاۋ ارقىلى قازاقستان توراعالىق باعدارلاماسىن جاساپ شىعاتىن بولادى.

“The Qazaq Times”