Qazaqstanda jedel järdem jaña ereje boyınşa jwmıs isteytin boldı

Qazaqstan Respublikasında medicinalıq qızmet körsetu qağidaların bekitu turalı Qazaqstan Respublikası Densaulıq saqtau ministriniñ bwyrığına qol qoyılıp, zañdı küşine endi. Bwl turalı ministrliktiñ baspasöz qızmeti habarladı.

"Jedel medicinalıq qızmetter (JMQ) turalı jaña medicinalıq bwyrıq Qazaqstan Respublikasınıñ halqına jedel jäne şwğıl medicinalıq kömek körsetudiñ saralanğan täsilin wsınadı", - delingen baspasöz habarlamasında.

Jedel şaqırtular sanattarı boyınşa belgilerine (sindromdarına) qaray birneşe kategoriyağa toptastırılğan. Sonımen:

- 1-şi kategoriya: pacienttiñ ömirine tikeley qauip töndiretin, şwğıl medicinalıq kömek talap etiletin jağdayda brigadanıñ keletin uaqıtı 10 minutqa deyin;

-2-şi kategoriya: pacienttiñ ömirine ıqtimal qater töndiretin,  medicinalıq kömeksiz jağdayda brigadanıñ keletin uaqıtı 15 minutqa deyin;

- 3-şi kategoriya: pacienttiñ densaulığına ıqtimal qater töndiretin,  medicinalıq kömeksiz jağdayda brigadanıñ keletin uaqıtı 30 minutqa deyin;

- 4-şi kategoriya: pacienttiñ jağdayı jiti auruları nemese sozılmalı aurulardıñ asqınuımen, kenetten jäne ayqın köringen ağzalar men jüyelerdiñ bwzıluımen körinetin, nauqastıñ densaulığına jäne ömirine tikeley qauip joq jağdayda brigadanıñ keletin uaqıtı 60 minutqa deyin boladı.

Ministrliktiñ mälimetinşe, alğaşqı 3 kategoriya jedel medicinalıq kömek stanciyası deñgeyinde körsetiletin boladı, al 4 kategoriya emhanalardağı jedel medicinalıq kömek bölimşeleri deñgeyinde körsetiledi, yağni emhana deñgeyinde jedel medicinalıq kömek körsetetin bölimşeler täuligine 24 sağat boyı şaqırtulardı qabıldaydı.

Jaña bwyrıqqa säykes, alğaşqı kömek brigadasınıñ keluine deyin jedel medicinalıq kömek medicinalıq bilimi joq adamdarmen körsetilui mümkin: policiya qızmetkerleri, patrul'dik qızmet, bilim beru, kölik, önerkäsip käsiporındarınıñ, äleumettik sala jäne t. b.

Sonday aq, osı bwyrıqtıñ jaña formatında stacionarlardıñ aurulardı qabıldau böliminde pacientterdiñ triaj-swrıptauın küşeytu jäne olardı kez kelgen patologiyamen qabıldau wsınıladı.

“The Qazaq Times”