فوتو: Tengrinews

قازاقستان رەسپۋبليكاسىندا مەديتسينالىق قىزمەت كورسەتۋ قاعيدالارىن بەكىتۋ تۋرالى قازاقستان رەسپۋبليكاسى دەنساۋلىق ساقتاۋ ءمينيسترىنىڭ بۇيرىعىنا قول قويىلىپ، زاڭدى كۇشىنە ەندى. بۇل تۋرالى مينيسترلىكتىڭ ءباسپاسوز قىزمەتى حابارلادى.

"جەدەل مەديتسينالىق قىزمەتتەر (جمق) تۋرالى جاڭا مەديتسينالىق بۇيرىق قازاقستان رەسپۋبليكاسىنىڭ حالقىنا جەدەل جانە شۇعىل مەديتسينالىق كومەك كورسەتۋدىڭ سارالانعان ءتاسىلىن ۇسىنادى", - دەلىنگەن ءباسپاسوز حابارلاماسىندا.

جەدەل شاقىرتۋلار ساناتتارى بويىنشا بەلگىلەرىنە (سيندرومدارىنا) قاراي بىرنەشە كاتەگورياعا توپتاستىرىلعان. سونىمەن:

- 1-ءشى كاتەگوريا: پاتسيەنتتىڭ ومىرىنە تىكەلەي قاۋىپ توندىرەتىن، شۇعىل مەديتسينالىق كومەك تالاپ ەتىلەتىن جاعدايدا بريگادانىڭ كەلەتىن ۋاقىتى 10 مينۋتقا دەيىن;

-2-ءشى كاتەگوريا: پاتسيەنتتىڭ ومىرىنە ىقتيمال قاتەر توندىرەتىن،  مەديتسينالىق كومەكسىز جاعدايدا بريگادانىڭ كەلەتىن ۋاقىتى 15 مينۋتقا دەيىن;

- 3-ءشى كاتەگوريا: پاتسيەنتتىڭ دەنساۋلىعىنا ىقتيمال قاتەر توندىرەتىن،  مەديتسينالىق كومەكسىز جاعدايدا بريگادانىڭ كەلەتىن ۋاقىتى 30 مينۋتقا دەيىن;

- 4-ءشى كاتەگوريا: پاتسيەنتتىڭ جاعدايى ءجىتى اۋرۋلارى نەمەسە سوزىلمالى اۋرۋلاردىڭ اسقىنۋىمەن، كەنەتتەن جانە ايقىن كورىنگەن اعزالار مەن جۇيەلەردىڭ بۇزىلۋىمەن كورىنەتىن، ناۋقاستىڭ دەنساۋلىعىنا جانە ومىرىنە تىكەلەي قاۋىپ جوق جاعدايدا بريگادانىڭ كەلەتىن ۋاقىتى 60 مينۋتقا دەيىن بولادى.

مينيسترلىكتىڭ مالىمەتىنشە، العاشقى 3 كاتەگوريا جەدەل مەديتسينالىق كومەك ستانتسياسى دەڭگەيىندە كورسەتىلەتىن بولادى، ال 4 كاتەگوريا ەمحانالارداعى جەدەل مەديتسينالىق كومەك بولىمشەلەرى دەڭگەيىندە كورسەتىلەدى، ياعني ەمحانا دەڭگەيىندە جەدەل مەديتسينالىق كومەك كورسەتەتىن بولىمشەلەر تاۋلىگىنە 24 ساعات بويى شاقىرتۋلاردى قابىلدايدى.

جاڭا بۇيرىققا سايكەس، العاشقى كومەك بريگاداسىنىڭ كەلۋىنە دەيىن جەدەل مەديتسينالىق كومەك مەديتسينالىق ءبىلىمى جوق ادامدارمەن كورسەتىلۋى مۇمكىن: پوليتسيا قىزمەتكەرلەرى، پاترۋلدىك قىزمەت، ءبىلىم بەرۋ، كولىك، ونەركاسىپ كاسىپورىندارىنىڭ، الەۋمەتتىك سالا جانە ت. ب.

سونداي اق، وسى بۇيرىقتىڭ جاڭا فورماتىندا ستاتسيونارلاردىڭ اۋرۋلاردى قابىلداۋ بولىمىندە پاتسيەنتتەردىڭ ترياج-سۇرىپتاۋىن كۇشەيتۋ جانە ولاردى كەز كەلگەن پاتولوگيامەن قابىلداۋ ۇسىنىلادى.

“The Qazaq Times”