Foto: vicer.ru

Qwramınan ulı fipronil tabılğan jwmırtqalar Europanıñ 15 memleketi men Şveycariyağa taralıp, ülken dauğa wlastı. Osığan oray qalıptasqan mäseleni talqılap, ortaq qorıtındı şığaru üşin Eurokomissiya osı jıldıñ 26 qırküyeginde basqosu ötkizedi. Bwl turalı APF aqparattıq agenttigi jazdı. 

Insekticidpen zaqımdalğan milliondağan jwmırtqalar Europa dükenderi sörelerinen alınıp, ondağan qws fabrikaları jabıldı. Niderlandı, Bel'giya men Germaniya birin-biri  fipronildiñ taralımı turalı bile twra, qalğan Europa memleketterin qwlaqtandırmağan dep ayıptap, azıq-tülik qaupin jasırğan kinälilerdi tabu töñiregindegi  dau örşidi.

Europanıñ azıq-tülik qauipsizdigi men densaulıq saqtau mäseleleri jönindegi kommissarı Vitenis Endryukaytistiñ pikirinşe, aldağı josparlanğan kezdesu eñ aldımen, Europa memleketteriniñ birin-biri ayıptap, älem aldında wyatqa qalu procesin doğaru üşin qajetti şara. Ol qarama-qayşı pikirlerdi qoyıp, bwl dağdarıstı birigip eñseru kerek dep esepteydi.

Osı aptada Franciyanıñ auıl şaruaşılıq ministri Stefan Travert Bel'giya men Niderlandıdan kelgen 250 mıñ jwmırtqadan fipronil tabılğanın jetkizdi. Däl osınday mälimdeme jasağan elder qatarında Bel'giyanı ayıptap otırğan Daniya men Germaniyadan jwmırtqa satıp alğan Pol'şa da bar.

Euroodaq atalğan jwmırtqa dauı kesirinen auruhanağa tüsken nauqastar tirkelmegenin aytqanımen, Düniejüzilik densaulıq saqtau wyımı fipronildiñ adamnıñ bauırı men büyregine jäne qalqanşa bezine öte qauipti ekenin alğa tartıp otır.

Tağı bir atap ötetin jayt, osı aptada Gonkongqa Niderlandıdan jwmırtqa tasımaldanğanı belgili boldı. Gonkongtıñ densaulıq saqtau ministri Sof'ya Çan Europadan keletin tauarlar inspekciyasınıñ küşeyetindigin mälimdedi. Gonkong - Europanı dürliktirgen "jwmırtqa dauına" qatısı bar boluı mümkin alğaşqı Aziyalıq qala.

“The Qazaq Times”