Putin "Soltüstik ağın-2" jobasın jüzege asırudı közdep otır. Foto: BBC

Resey Europağa gaz jetkizudi tağı da qısqartatın boldı. Europa Odağı bolsa Reseydiñ energetikanı sayasi qaru retinde paydalanıp otırğanına şübä keltirmeytin jağdayğa jetti. Bwdan keyin EO tarabı «Gazpromnıñ» «tehnikalıq aqaularına» tipti zauıttardağı «jarılıs pen örtke» de senbeytin küyde. Endi Europa orıs gazına täuelsiz boludıñ qamına şındap kirisetindey.

Reseydiñ Europağa bağıttalğan gaz tasımalı birtindep qısqarıp keledi. Ötken aptada Resey gaz tasımalın soñğı on jıldağı eñ tömengi şekke tüsirip, 100 mln kubmetrge degeyin qısqarttı. Osıdan bir ay ğana bwrın «Gazprom» Europağa künine 250 mln kubmetr gaz jöneltip twruşı edi.

Bwl jolqı qısqartuğa Resey Türkiya arqılı jetetin gaz tasımal leniyasındağı tüzetu jwmıstarı sebep bolğanın ayttı. Bwl tehnikalıq jwmıstar naqtı qanşa uaqıttı alatını belgisiz. Al, şilde ayında Germaniya arqılı Europağa kiretin «Soltüstik Ağın» gaz qwbırlarında tehnikalıq jañartu jwmıstarı bastaladı. Bwl da Europağa jetkiziletin gaz mölşerin şekteudiñ bir şarası retinde körip otır.

Europa energiya dağdarısınan täuelsizdikke jetu üşin keşendi äri bwrılıstı şeşimderdi aşıq talqılauğa kiristi. Bwnıñ qatarında kömir jağatın jılu elektr stancaların jauıp, tolıqtay yadro energiyasına nemese jasıl energiyağa ötu mäselesin söylesip jatır.

EO jahandıq pandemiyağa deyin Resey gazına 40 payız täueldi bolıp kelgen. Bwl täueldilikti pandemiyadan keyin 35 payızğa, qazir 25 payızğa deyin qısqarttı. Europanıñ köz aldağı josparı qıtımır qıs jetkenşe gaz qoymalarına 90 payızğa deyin gaz toptap alu. Al, Orta Europalıq Germaniya, Austriya sekildi elder energetikadağı Reseyge degen täueldilikti qısqartu üşin uaqıtşa bolsa da kömirge basımdıq beruge dayın bolıp otır.

Bwğan qarap, Europada qarulı soğıs ğana emes, energiya soğısınıñ da qiyankesi jürip jatqanın biluge boladı.

The Qazaq Times