Pol'şa men Bolgariyağa gaz jetkizudi toqtattı. Foto: GTN News

Reseylik Gazprom 27 säuir särsenbiden bastap Pol'şa men Bolgariyağa gaz jetkizudi toqtattı. Bwl Resey Ukrainağa basıp kirgennen beri Batıs pen Mäskeu arasındağı ekonomikalıq soğıstıñ soñğı qadamı qatarı bağalanuda.

Batıstıñ qatañ sankciyalarına qarsı Mäskeu öziniñ mwnay-gaz eksportın sayasi qwral qatarında qoldanıp jatır. Sebebi, Europanıñ köptegen eli energetika qajettiligi boyınşa Reseyge täueldiligi joğarı. Tipti sankciya kezinde Batıs elderinen gaz aqısın rubl'men töleudi talap etude. Gazprom särsenbi küni rubl'men töley almağan soñ Pol'şa men Bolgariyağa gaz jetkizudi toqtatatının mälimdedi.

Gazprom mälimdemesinde, atı atalmağan tört gaz satıp aluşınıñ Resey tabiği gazı üşin rubl'men tölep otırğanın,  al 10 europalıq kompaniya reseylik valyutamen töleu üşin rubl' şottarın aşqanın ayttı.

Europa elderi men AQŞ resmi mälimdemelerinde Reseydiñ bwl qadamına tañ qalmaytındarın ayttı. Soğan qarağanda Batıs üşin bwl kütilgen qadam ekeni anıq.

Reseydiñ bwnday şeşiminen keyin AQŞ Europadağı odaqtas, seriktes eldermen, Pol'şa jäne Bolgariya basşılarımen mäsele boyınşa söylesip jatqanın ayttı. AQŞ Europa elderiniñ gaz importın ärtaraptandıru boyınşa äreket etetinin jetkizdi.

Al, Pol'şa men Bolgariya ükimetteri Gazpromnıñ bwl şeşimin kelisimdi bwzu dep atadı. Europa odağı bolsa Reseydiñ energetikanı qwral qatarında paydalanuı olar kütkendey bolğanın, biraq EO tarabınan birikken jauap bolatının eskertti.

Europa elderi Resey gazı men mwnayına täueldilikten arılu boyınşa keşendi bağdarlamalar jasap jatır, onıñ qatarında energiyanıñ basqa közderin qarastıru jäne qayta tuındaytın energiyanı damıtu bağdarlamaları da bar.

The Qazaq Times