Ğalamtor alıptarınıñ jaña bäsekesi qalıptasıp keledi. Foto: marketingland.com.

Älemdegi eñ iri äleumettik jeliniñ biri sanalatın Facebook video öndirisin damıtuğa nietti ekenin bildirdi. Osı arqılı bolaşaqta dästürli telekanaldar men YouTube-ke bäsekelestik tanıtpaq. Bwl turalı Bi-Bi-Si onlayn qızmeti habarlap otır.

«Feysbukte» video bölisu ötken jılı Amerikada bastalıp iske qosıldı. Bastapqıda qısqa habarlar men qısqa beyne körinister engizildi. Kompaniyanıñ jaña jobası boyınşa video tizbekti jaña Watch funkciyasımen almastırmaq. Bwğan negizinen Facebook qarjısına tüsirilgen videolar jayğastırılmaq. Jaña funkciya qazirşe AQŞ-tağı arnayı adamdar üşin ğana aşıq bolıp, keyin bükil älemdegi qoldanuşılardıñ paydalanuına beriledi.

FB-nıñ resmi ökili Deniel Denkerdiñ aytuınşa, Watch funkciyası qoldanuşılarğa barınşa qolaylı etiledi. Ol jerde aldımen dostarı «wnatu» belgisin basqannan keyin ğana kelesi bağdarlamağa öte aladı.

Qazir ğalamtordağı video narığında joğarı bäsekelestik damıp keledi. Sondıqtan da, Facebook qoldanuşılarğa öz paraqşası arqılı tabıs tabu mümkindigi beriledi dep otır. Facebook-tiñ eksklyuzivti seriktesteri kirisiniñ 55 payızın ielep otır. Bwl negizinen jarnamadan tüsip otırğan aqşa.

Aldağı uaqıtta Facebook video narığında, YouTube jäne Netflix ğana emes, salmağı artıp kele jatqan Disney-men de bäsekege dayındalıp otır.

“The Qazaq Times”