عالامتور الىپتارىنىڭ جاڭا باسەكەسى قالىپتاسىپ كەلەدى. فوتو: marketingland.com.

الەمدەگى ەڭ ءىرى الەۋمەتتىك جەلىنىڭ ءبىرى سانالاتىن Facebook ۆيدەو ءوندىرىسىن دامىتۋعا نيەتتى ەكەنىن ءبىلدىردى. وسى ارقىلى بولاشاقتا ءداستۇرلى تەلەكانالدار مەن YouTube-كە باسەكەلەستىك تانىتپاق. بۇل تۋرالى بي-بي-سي ونلاين قىزمەتى حابارلاپ وتىر.

«فەيسبۋكتە» ۆيدەو ءبولىسۋ وتكەن جىلى امەريكادا باستالىپ ىسكە قوسىلدى. باستاپقىدا قىسقا حابارلار مەن قىسقا بەينە كورىنىستەر ەنگىزىلدى. كومپانيانىڭ جاڭا جوباسى بويىنشا ۆيدەو تىزبەكتى جاڭا Watch فۋنكتسياسىمەن الماستىرماق. بۇعان نەگىزىنەن Facebook قارجىسىنا تۇسىرىلگەن ۆيدەولار جايعاستىرىلماق. جاڭا فۋنكتسيا قازىرشە اقش-تاعى ارنايى ادامدار ءۇشىن عانا اشىق بولىپ، كەيىن بۇكىل الەمدەگى قولدانۋشىلاردىڭ پايدالانۋىنا بەرىلەدى.

فب-نىڭ رەسمي وكىلى دەنيەل دەنكەردىڭ ايتۋىنشا، Watch فۋنكتسياسى قولدانۋشىلارعا بارىنشا قولايلى ەتىلەدى. ول جەردە الدىمەن دوستارى «ۇناتۋ» بەلگىسىن باسقاننان كەيىن عانا كەلەسى باعدارلاماعا وتە الادى.

قازىر عالامتورداعى ۆيدەو نارىعىندا جوعارى باسەكەلەستىك دامىپ كەلەدى. سوندىقتان دا، Facebook قولدانۋشىلارعا ءوز پاراقشاسى ارقىلى تابىس تابۋ مۇمكىندىگى بەرىلەدى دەپ وتىر. Facebook-ءتىڭ ەكسكليۋزيۆتى سەرىكتەستەرى كىرىسىنىڭ 55 پايىزىن يەلەپ وتىر. بۇل نەگىزىنەن جارنامادان ءتۇسىپ وتىرعان اقشا.

الداعى ۋاقىتتا Facebook ۆيدەو نارىعىندا، YouTube جانە Netflix عانا ەمەس، سالماعى ارتىپ كەلە جاتقان Disney-مەن دە باسەكەگە دايىندالىپ وتىر.

“The Qazaq Times”