Körneki suret. Foto: aşıq derekköz

Älemde keñinen qoldanılatın Facebook, Instagram jäne WhatsApp jelileriniñ jwmısı belgili bir kezeñge naşarlap, bayaulağanı bayqaldı. Bwl jaylı DownDetector monitoring resursı habarladı.

Paydalanuşılar serverge qosılu jäne veb-sayttar men qosımşalardı jükteu kezinde qiındıqtarğa tap boladı.

Serverler qızmeti Almatı uaqıtı boyınşa şamamen keşkisin 21.00 sağattan bastap birneşe sağatqa twraqsızdandı.

Sonımen qatar, äleumettik jelilerdegi aqaular turalı AQŞ, Resey, Wlıbritaniya, Izrail', Argentina, Italiya, Germaniya, Franciya, Iran jäne basqa elderdiñ jüzdegen mıñ qoldanuşı şağımdanğan.

Servis deregine qarağanda, Instagram qoldanuşılarınıñ 76%-ı jañalıqtar arnasın qarau kezinde qiındıqtarğa tap bolğan, 15%-ı saytqa kire almağan, tağı 7%-ı öz eseptik jazbalarına kirude qiındıqqa wşırağanın aytıp şağımdanğan.

WhatsApp qoldanuşılarınıñ şamamen 71%-ı qosımşağa kire almağan, 26%-ında habarlama almasu qiındağan, 1%-ına eseptik jazba qoljetimsiz bolğan.

Sonday-aq, Facebook jäne Facebook Messenger qoldanuşılarınıñ 41%-ı äleumettik jeliniñ jwmısın tolığımen toqtatqanı turalı habarladı, 31%-ı öz eseptik jazbalarına kire almasa, tağı 27%-ında jañalıqtar arnası jwmıs istemegen.

Atalğan platformalarğa ielik etetin kompaniyalar jağdaydı qalpına keltiruge tırısatının mälimdedi. Biraq düniejüzilik aqaudıñ sebebi äli belgisiz.

The Qazaq Times