Foto: astana.gov.kz

Astananıñ Esil, Aqbwlaq jäne Sarıbwlaq özenderiniñ arnasın tazalaudan kün sayın baldır, şöp-şalañ, twrmıstıq qaldıqtar sekildi qoqıstar sırtqa köptep şığarılıp jatır. Bwl turalı «Astana-Esil» MKQK mamanı Mwhit Baqbergenwlı mälimdedi, dep habarlaydı äkimdiktiñ baspasöz qızmeti. 

Üş özenniñ arnasın qaldıqtardan tazartu boyınşa atqarılıp jatqan şaralardıñ nätijesi boyınşa, soñğı apta işinde jwmısşılar 10 tonna qoqıs jinağan.

«Üş özenniñ işinde «Sarıbwlaq» qoqısqa tolıp, qattı lastanğan. Esil jäne Aqbwlaq, sonday-aq Sarıbwlaqtıñ jağası kün sayın tazartıladı. Biraq künniñ kürt ısuı baldırlardıñ köptep ösuine äserin tigizude», - deydi M.Baqbergenwlı.

Jazğı merzimde twrmıstıq qaldıqtar men qoqıstı jinauğa 30 jwmısşı tartıladı. Mamannıñ pikiri boyınşa, qala özenderiniñ qattı lastanuına adamdardıñ da qatısı bar.

«Üş özenniñ arnasınan qoqıs pen qaldıq tañnıñ atısı men keştiñ batısına deyin jinaladı. Esil özeniniñ jağası kün sayın tazartılıp, sol aumaqta qoqıs tastaytın jäşikter men beynebaqılaudıñ bar bolğanına qaramastan, qaldıq köp jinalıp, özen arnası qattı lastanadı. Sarıbwlaq özeniniñ arnasınan kün sayın bos bötelke qwtıları men temekiniñ qaldıqtarı sekildi ondağan paket qoqıstı sırtqa şığaramız. Bwl twrğıda adamdardıñ tabiğatqa, öz qalalarına janaşırlıqpen qaramayınşa, jwmısşılardıñ eñbegin bağalamayınşa, nätije osı küyinde qala beredi. Sol sebepti twrğındardıñ tazalıq mäselesine salğırt qaramauın ötinemiz», -dedi M.Baqbergenwlı.

Qala tazalığına salğırt qaraytın twrğındar tek Astanada ğan emes. Almatı qalasınıñ da Aziya elderindegi eñ las qala ekenin esten şığarmau kerek. Onsızda ekologiyası naşar qalalardıñ odan arı lastanuına adamdar jol bermese eken deymiz.

“The Qazaq Times”