Foto: starcom.ie

Qazaqstan Kann qalasında ötetin halıqaralıq «Jas arıstandar» jarnama bayqauına qatıspaq. Kreativti mamandardıñ älemdik bayqauında elimizdiñ namısın Cheil Kazakhstan agenttiginiñ  mamandarı Renata Husnutdinova men Baqıt Meyirhanov qorğaytın boladı.

2017 jılğı «Qazaqstannıñ jas arıstandarı» (Young Lions Kazakhstan) atalmış VI Wlttıq bayqauınıñ «Baspa jarnaması» (Print) kategoriyası boyınşa jeñimpaz atanğan Renata men Baqıt osı sanattağı bayqauğa jobaların ötkizgen jüzden astam qatısuşılardan ozıp şığıp, halıqaralıq bäsekege joldama alıp otır.

Kelesi kezeñde qazaqstandıq jarnamaşılar  älemniñ ärtürli elderinen kelgen jas talanttar baqtarın sınaytın «Kanndıq arıstandar» kreativşiler festivali şeñberinde ötkiziletin Young Lions Competitions halıqaralıq çempionatında  baqtarın sınamaq.

Cheil Kazakhstan-nıñ atqaruşı kreativti direktorı Huan Pablo Valensiya qazaqstandıq komandanıñ  Kann qalasındağı älemdik bäsekede jeñiske jetuge barlıq mümkindikteri bar ekendigin atap ötti. Al agenttik ärdayım kreativti ideyalardı qoldap, Cheil Worldwide ğalamdıq jelidegi şeteldik seriktestermen  ozıq ideyalardı düniege äkelude birlesip jwmıs jasap keledi.

“The Qazaq Times”