فوتو: starcom.ie

قازاقستان كانن قالاسىندا وتەتىن حالىقارالىق «جاس ارىستاندار» جارناما بايقاۋىنا قاتىسپاق. كرەاتيۆتى مامانداردىڭ الەمدىك بايقاۋىندا ەلىمىزدىڭ نامىسىن Cheil Kazakhstan اگەنتتىگىنىڭ  ماماندارى رەناتا حۋسنۋتدينوۆا مەن باقىت مەيىرحانوۆ قورعايتىن بولادى.

2017 جىلعى «قازاقستاننىڭ جاس ارىستاندارى» (Young Lions Kazakhstan) اتالمىش VI ۇلتتىق بايقاۋىنىڭ «باسپا جارناماسى» (Print) كاتەگورياسى بويىنشا جەڭىمپاز اتانعان رەناتا مەن باقىت وسى ساناتتاعى بايقاۋعا جوبالارىن وتكىزگەن جۇزدەن استام قاتىسۋشىلاردان وزىپ شىعىپ، حالىقارالىق باسەكەگە جولداما الىپ وتىر.

كەلەسى كەزەڭدە قازاقستاندىق جارناماشىلار  الەمنىڭ ءارتۇرلى ەلدەرىنەن كەلگەن جاس تالانتتار باقتارىن سىنايتىن «كانندىق ارىستاندار» كرەاتيۆشىلەر فەستيۆالى شەڭبەرىندە وتكىزىلەتىن Young Lions Competitions حالىقارالىق چەمپيوناتىندا  باقتارىن سىناماق.

Cheil Kazakhstan-نىڭ اتقارۋشى كرەاتيۆتى ديرەكتورى حۋان پابلو ۆالەنسيا قازاقستاندىق كوماندانىڭ  كانن قالاسىنداعى الەمدىك باسەكەدە جەڭىسكە جەتۋگە بارلىق مۇمكىندىكتەرى بار ەكەندىگىن اتاپ ءوتتى. ال اگەنتتىك ءاردايىم كرەاتيۆتى يدەيالاردى قولداپ، Cheil Worldwide عالامدىق جەلىدەگى شەتەلدىك سەرىكتەستەرمەن  وزىق يدەيالاردى دۇنيەگە اكەلۋدە بىرلەسىپ جۇمىس جاساپ كەلەدى.

“The Qazaq Times”