Twitter jeke jarnamalar üşin paydalanuşınıñ jeke derekterin rwqsatsız paydalanğan.

Bwl turalı Twitter Inc ötken seysenbide habarladı. Kompaniya bwl mäseleni jaqında anıqtağanın jäne düysenbi küni atalğan mäseleniñ şeşeligendigin jazadı. Alayda, naqtı qanday qoldanuşılarğa äser etkendigi turalı aqparat joq.

Jalpı, twtınuşınıñ derekteri kompaniyalar üşin quattı qwral. Sebebi, olar jarnamanı qoldanuşınıñ jeke derekterine säykes beruge tırısadı. Sol sekildi Twitter paydalanğan jeke derekter qatarına qoldanuşı eliniñ  kodı, paydalanuşılardıñ belgili bir jarnamağa közqarası jäne olardıñ qoldanatın qwrılğılar turalı jasağan twjırımdarı kirgen.

Twitter  resmi saytında qoldanuşılardan keşirim swrap, bolaşaqta mwnday qatelikterdiñ qaytalanbaytının jazıp, uäde berdi.

Ayta keteyik, ötken jıldıñ basında Facebook-tiñ 87 million qoldanuşısınıñ jeke derekterin Kembridj Analitika zañsız paydalanğanı anıqtalğan edi. Keyin ol mälimetter Donal'd Tramptıñ 2016 jılğı saylaualdı nauqanında paydalanılğandığı belgili boldı. Al, sol jıldıñ kökteminde Facebook-tiñ negizin qalauşı Mark Cukerberg AQŞ Kongresinde jäne Europarlamentte qatesin moyındap, derekterdiñ qoldı bolğanı üşin keşirim swradı.

"The Qazaq Times"