Wlttıq wlan sarbazdarı sabaq üstinde.

2017 jılğı 04 qañtarda Wlttıq wlannıñ «Oñtüstik» öñirlik qolbasşılığına qarastı äskeri bölimderde 2017 jılğı jaña oqu kezeñi bastaldı. Bwl turalı «Oñtüstik» öñirlik qolbasşılığınıñ Baspasöz qızmeti habarladı. 

Qazaqstan halqınıñ birligi men memleket twtastığın nığaytu jolındağı Qazaqstan Respublikasınıñ Twñğış Prezidenti – Qarulı Küşterdiñ Joğarğı Bas qolbasşısı Nwrswltan Nazarbaevtıñ atqarğan röli jaña oqu jılında äskeri qızmetşilermen ötkizilgen alğaşqı memlekettik-qwqıqtıq dayındıq sabağınıñ bastı taqırıbına aynaldı.

Qolbasşılıq basqarmasınıñ oficerlerimen, sonday-aq qolbasşılıqqa bağınıştı äskeri bölimderdiñ äskeri qızmetşilerimen jäne sarbazdarmen alğaşqı tärbielik sabaqtı Wlttıq wlan Bas qolbasşısınıñ tehnika jäne qaru-jaraq jönindegi orınbasarı general-mayor Sağatbek Nwrahmetov jürgizdi. Sabaq barısında ol Elbasınıñ bastamasımen elimizde iske asıp jatqan auqımdı jobalarmen qatar, memleketimizdiñ ötken 2016 jılğı jetken jetistikterin, onıñ işinde el Täuelsizdiginiñ 25 jıldığınıñ mañızdılığına erekşe toqtalıp ötti:

Wlttıq wlan Bas qolbasşısınıñ tehnika jäne qaru-jaraq jönindegi orınbasarı general-mayor Sağatbek Nwrahmetov.

- 2016 jılğı 16 jeltoqsanda biz wlı qwndılığımız – Täuelsizdigimizdiñ 25 jıldığın atap öttik. Bwl bizdiñ aytulı merekemiz, öytkeni Täuelsizdik bügingi künderi Qazaqstan halqınıñ jetken tarihi wlı jetistikteriniñ biri, sondıqtan da ol Mäñgilik elimizdiñ mäñgilik simvolı bolıp qala bermek,  - dedi Sağatbek Töleubaywlı jäne Wlttıq wlan äskeriniñ elimizdiñ örkendeui, häm tınıştığı jolındağı qosqan ülesin de nazardan tıs qaldırmadı.

Memlekettik-qwqıqtıq dayındıq sabağı ayaqtalısımen äskeri qızmetşilerge «25 kz  jaña tarih» attı memleketimizdiñ qalıptasuı men damuı turalı dokumental'dı fil'm körsetildi.

Wlttıq wlan sarbazdarı

Alğaşqı tärbielik sağattan keyin saptıq alañda sap tüzegen wlandıqtar qaru-jaraq pen äskeri tehnikanı, sonday-aq äskeri mülikterdi dwrıs qoldanu, kez kelgen mindetterdi atqaru kezinde qauipsizdik şaraların qatañ saqtau boyınşa täjiribelik sabaqtarğa tarastı.

Jaña oqu jılında qoğamdıq tärtip pen qauipsizdikti qamtamasız etu boyınşa wlandıqtardıñ aldında köptegen atqarılar jauaptı mindetter twr.  Sonıñ biregeyi jaqında bastalatın 28-şi qısqı Universiada-2017, atap ötkimiz keletini, bügin osı kölemdi is-şarada qoğamdıq tınıştıqtı qamtamasız etetin jas jauıngerler jauıngerlik qızmet atqaruğa saltanattı türde kirisip ketti.

"The Qazaq Times"