اقش پرەزيدەنتى دونالد ترامپ «اشىق اسپان كەلىسىمىنەن» (DON) شىعۋ تۋرالى شەشىمگە كەلدى. بۇعان رەسەيدىڭ تالاپتاردى ورىنداماۋى سەبەپ، – دەيدى «The New York Times» باسىلىمى.

اق ءۇي باسشىسى سوزىندە رەسەيدىڭ كەلىسىمشارتتى ورسەكەل بۇزعانىن ايتتى. اقش مەملەكەتتىك حاتشىسى مايك پومپەونىڭ مالىمەتىنشە، ۋاشينگتوننىڭ «اشىق اسپان كەلىسىمىنەن» شىعۋ تۋرالى شەشىمى التى ايدان كەيىن كۇشىنە ەنەدى. ترامپتىڭ بۇل شەشىمىن بۇۇ سىنعا الىپ وتىر.

تاراپتار اراسىندا جاڭا كەلىسىمگە قول جەتاىزۋ مۇمكىندىگى بولعانمەن، رەسمي ماسكەۋ ۋاشينگتوننىڭ بۇل ارەكەتىنە تەرىس رەاكتسيا تانىتتى. رەسەي سىرتقى ىستەر مينيسترلىگى قارۋدى تاراتپاۋ جانە قارۋدى باقىلاۋ دەپارتامەنتىنىڭ ديرەكتورى ۆلاديمير ەرماكوۆ ۋاشينگتوننىڭ كەلىسىمنەن شىعۋىن جانە ماسكەۋگە قاتىستى ايىپتى نەگىزسىز دەپ اتادى.

اتالعان كەلىسىمگە 1992 جىلى حەلسينكيدە ەۋروپاداعى قاۋىپسىزدىك جانە ىنتىماقتاستىق ۇيىمىنا مۇشە 23 مەملەكەتتىڭ وكىلدەرى قول قويدى. قۇجاتتىڭ قابىلدانۋىنا ماسكەۋ بەلسەندى اتسالىسقان. قازىرگى ۋاقىتتا بۇل ۇيىمدا 34 مەملەكەت بار.

كەلىسىم بويىنشا ۇيىمعا مۇشە مەملەكەتتەرگە باقىلاۋشى ەسەبىندە اسكەري ءىس-ارەكەتتەردى باقىلاۋ ءۇشىن ءبىر-ءبىرىنىڭ اۋماقتارى ارقىلى ۇشۋعا رۇقسات بەرىلگەن.

كەيىننەن رەسەيدىڭ قۇجاتتاعى تالاپتاردى بۇزعانى انىقتالىپ، 2017 جىلى ۋاشينگتون رەسەيلىك باقىلاۋشى رەيستەرگە بىرقاتار شەكتەۋلەر ەنگىزگەن.

"The Qazaq Times"