ستراتەگيالىق تۇراقتىلىق: اقش پەن رەسەي جەنەۆادا كەلىسسوز وتكىزبەك

28 شىلدە كۇنى اقش پەن رەسەي وكىلدەرى جەنەۆادا جولىعىپ، ستراتەگيالىق تۇراقتىلىقتى تالقىلاماق. بۇل كەلىسسوز تۋرالى وسىدان بۇرىن ەكى ەلدىڭ ليلەردەرى اراسىنداعى جۇزدەسۋدە بەلگىلەنگەن بولاتىن.

جەنەۆادا 16 ماۋسىمدا وتكەن اقش پرەزيدەنتى جو بايدەن مەن رف پرەزيدەنتى ۆلاديمير پۋتين اراسىنداعى العاشقى كەزدەسۋ كەزىندە تاراپتار تەرەڭ تۇسىنىستككە جەتە المادى. بۇل كەزدەسۋدە كۇتىلگەندەي تاراپتار قانداي دا ءبىر جاڭا كەلىسىمدەرگە دە قول جەتكىزە المادى. الايدا، تاراپتار ەكى ەل اراسىنداعى ورتاق مۇددەلەردى ەسكەرە وتىرىپ، ستراتەگيالىق تۇراقتىلىق تۋرالى كەلىسسوز وتكىزۋگە كەلىسكەن ەدى.

28 شىلدەدە وتەتىن كەزدەسۋ دە شۆەيتساريانىڭ  ورتالىعى جەنەۆادا بولادى. كەلىسسوز دەلەگاتسيالارىن اقش مەملەكەتتىك حاتشىسىنىڭ ورىنباسارى ۆەندي شەرمان مەن رەسەي ءسىم جەتەكشىسىنىڭ ورىنباسارى سەرگەي يابكوۆ باستاپ بارادى.

كەلىسسوز ۇستەلىندە تاراپتار ستراتەگيالىق تۇراقتىلىقتى ساقتاپ تۇرعان كەلىسىمدەردىڭ ۋاقىتىن ۇزارتۋ، قارۋ-جاراقتى باقىلاۋ جانە ستراتەگيالىق اكتيۆتەردى قاداعالاۋ تاقىرىپتارىن تالقىلاماق. تاۋەلسىز ساراپشىلاردىڭ پىكىرىنشە، ەكى ەل اراسىنداعى قايشىلىقتىڭ تەرەڭدەپ كەتكەنىنە بايلانىستى ۋاشينگتون مەن ماسكەۋ دەلەگاتتارى بۇل كەزدەسۋدە ۇلكەن ناتيجەگە قول جەتكىزە المايدى.

“The Qazaq Times”