Mitsubishi زەرتتەۋ ينستيتۋتىنىڭ پايىمداۋىنشا، 2030 جىلى كۇنشىعىس ەلىندە روبوتتاردىڭ جۇمىس ىستەۋىنە بايلانىستى  2,4 ميلليون ادام قىزمەتىنەن قىسقارتىلماق. ياعني، بولاشاقتا ادامنىڭ  قول كۇشىن جاساندى ينتەللەكتى بار روبوتتار الماستىراتىن بولادى. بۇل – ادامزات  ءۇشىن ۇلكەن سىن-قاتەر. ونى توقتاتۋ مۇمكىن بە؟ بۇل تەحنيكالار  قانشالىقتى ءتيىمدى؟

ەڭ الدىمەن ساتوسي سيراتو ينستيتۋتىنىڭ قىزمەتكەرىنىڭ ءسوزىن نازارلارىڭىزعا ۇسىنامىز:

«جاساندى ينتەللەكتتىڭ دامۋىنا بايلانىستى، ءونىمدى سەكتورلار عانا ەمەس، جالپى جۇمىس ورىندارىنداعى قىسقارتۋلارعا اكەلىپ سوعادى. سوعان بايلانىستى بۇل جۇيەنى وندىرەر الدىندا جاقسىلاپ ويلانۋىمىز قاجەت. ماسەلەن، جۇمىسىنان ايىرىلىپ قالعاندار ءۇشىن از-كەم تابىس اكەلەتىندەي عانا شىعارۋعا  بولادى».

ول ايتىپ وتىرعان «جاساندى ينتەللەكت» تۋرالى ءسىز نە بىلەسىز؟ جاساندى ينتەللەكت دەگەنىمىز – ادامنىڭ ويىن، ءىس-ارەكەتىن كومپيۋتەردە بەينەلەيتىن كومپيۋتەرلىك جۇيە. بۇل ءسوزدى العاش رەت 1956 جىلى دارتمۋت ۋنيۆەرسيتەتىندە، جون ماككارتي ەسىمدى ازامات قولدانعان كورىنەدى. سودان بەرى بۇل سالانى زەرتتەۋشىلەر مەن وعان قىزىعۋشىلىق تانىتۋشىلار كۇن ساناپ ارتىپ كەلەدى. جون مىرزانىڭ پايىمداۋىنشا، جاساندى ينتەللەكت ەكى باعىتتا جۇزەگە اسادى. ءبىرىنشىسى، ادامنىڭ ينتەللەكتۋالدى ارەكەتىن قاراستىرسا (ەسەپتەر مەن تەورەمالاردى شەشۋ، ت.ب.); ەكىنشىسى ادامنىڭ سانالى ءىس-ارەكەتىن قاراستىرادى.  مىنە عاجاپ! ەندىگارى روبوتتار مەن ادامدار قاتار قىزمەت ەتەدى. بۇل – عىلىمي جاڭالىق، راسىمەن. دەسە دە، اتالمىش ماسەلە – ۇلكەن  قاۋىپتىڭ باسى بولىپ تۇر. سەبەبى، ودان كەيىن حالىقتا تەحنولوگيالارمەن ەمەس، ادامداردىڭ جۇمىسسىزدىعىمەن كۇرەس باستالماق...

ساراپشىلاردىڭ  پايىمداۋىنشا دا، روبوتتاندىرۋ ءبىرىنشى كەزەكتە ونەركاسىپ،  قىزمەت كورسەتۋ مەن ساۋدا-ساتتىق سالاسىنداعى 7,4 ملن جۇمىسكەرلەرىنە قولبايلاۋ بولماق. تەحنولوگيالاردى (ارينە، ءبارىن ەمەس. ادامزات ءۇشىن قاۋىپ توندىرەتىندەرىن) جاقىندا وتكەن   «CES – 2017»  سەكىلدى يننوۆاتسيالىق كورمەلەر ءۇشىن عانا شىعارۋ كەرەك سەكىلدى. سەبەبى، «جاساندى ينتەللەكتى بار روبوت»  ءبارىبىر ادام ەمەس. «جاساندى»-نىڭ توعى  سونەدى دە قالادى. ويلانايىق....

 گۇلىم رىسقۇل

"The Qazaq Times"