قىتاي جاپون ءسىم باسشىسىن ەلىنە شاقىردى. فوتو: The Limited Times

وتكەن اپتاداعى تەلەفون ديالوگىندا قىتاي سىرتقى ىستەر ءمينيسترى ۋاڭ ي جاپونيانىڭ جاڭا ءسىم باسشىسى لين فاڭجىڭدى ەلىنە ساپارلاي كەلۋگە شاقىرعان. بۇل تۋرالى جاپونيانىڭ جاڭا سىرتقى ىستەر ءۋازىرى جەكسەنبى كۇنى اقپارات قۇرالدارىنا جاريا ەتتى.

جاپوننىڭ «كيودو» اقپارات اگەنتتىگىنىڭ حابارىنا قاراعاندا، سىرتقى ىستەر ءۋازىرى لين فاڭجىڭ قىتايدىڭ شاقىرۋى تۋرالى كەشە، 21 قاراشا كۇنى Fuji TV ارناسىنا راستاعان. ول قىتاي ساپارى تۋرالى ءالى دە شەشىم جاسالماعانىن جانە ۇيلەستىرۋ جۇمىستارى دا باستالماعانىن اتاپ وتكەن.

وسىدان ءسال عانا بۇرىن اقش پرەزيدەنتى جو بايدەن بەيجىڭ قىسقى وليپيادا ويىندارىنا «ديپلوماتيالىق بايكود» جاريالاۋ ءۇشىن سپورت شاراسى كەزىندە جوعارى لاۋازىمدى اقش شەنەۋنىكتەرىن قىتايعا جىبەرمەيتىنىن مالىمدەگەن بولاتىن. جاپونيا ءسىم باسشىسى بۇعان قاتىستى پىكىرىندە: «ماسەلەنى ءبىز جاپونيا مۇددەسى تۇرعىسىنان قاراستىراتىن بولامىز»، – دەگەن.

ال، جاپونيانىڭ سىرتقى ىستەر ءۋازىرىن بەيجىڭگە رەسمي ساپارمەن شاقىرۋ تۋرالى قىتاي ءسىمى-ءى دە رەسمي مالىمدەمە ارقىلى راستادى. انىعىندا بۇل كۇتپەگەن جاعداي دەۋگە بولادى. جاپونيانىڭ جاڭا ۇكىمەتى قۇرىلعاننان بەرى بىرقاتار ەلدىڭ اقپارات قۇرالدارى ادام قۇقىعى جانە تايۋان ماسەلەسى بويىنشا جاپونيا-قىتاي اراسىندا قارىم-قاتىناستاردا ۇلكەن وزگەرىستەر بولادى دەپ بولجاعان ەدى.

قىتاي سىرتقى ىستەر مينيسترلىگى مالىمدەمەسىندە لين فاڭجىڭدى قىتايعا رەسمي ساپارمەن شاقىرۋدى راستاي وتىرىپ: «ءبىز تاريح، تايۋان سەكىلدى ەكى ەل قارىم-قاتىناستىڭ ساياسي نەگىزىنە جانە سەنىمىنە قاتىستى نەگىزگى ماسەلەلەردە جاپونيا ۇكىمەتىنىڭ “شايقالماۋىن”، كەرى شەگىنبەۋىن نەمەسە شەكارانى كەسىپ وتپەۋىن قامتاماسىز ەتەدى دەپ ۇمىتتەنەمىز»، – دەگەن.

بۇعان قوسا بەيجىڭ بەيجىڭدەگى قىسقى وليمپيادا ويىندارى مەن «قىتاي-جاپونيا مادەنيەت جانە سپورت الماسۋ جىلىن» «جاعىمدى قوعامدىق پىكىر مەن الەۋمەتتىك اتموسفەرا قۇرۋ» مۇمكىندىگى رەتىندە قاراستىرۋىن ءۇمىت ەتەتىنىن جەتكىزگەن. قاراپايىمداپ ايتقاندا بەيجىڭ جاپون بيلىگىنەن اقش-قا ورتاق قادامدارعا بارماۋىن ءۇمىت ەتىپ وتىر.

ءۇندى جانە تىنىق مۇحيتى ايماعىنداعى اقش پەن قىتايدىڭ ستراتەگيالىق ارىپتەستىك قاتىناسى بارعان سايىن قىزۋ تارتىستارعا، ءتۇرلى ديپلوماتيالىق، ستراتەگيالىق قادامدارعا تولى بولا ءتۇستى. ايماقتاعى جاعدايعا بايلانىستى قىتاي جاپونيانى وزىنە تۇبەگەيلى قارسىلاس ەتۋدى قالامايتىنى انىق. ال، توكيونىڭ جاڭا ۇكىمەتى قىتايمەن بايلانىستى قايتا قاراستىرۋعا نيەتتى ەكەنىن تانىتىپ جاتىر، بۇل بەيجىڭدىڭ ءتىپتى دە تىعىرىققا تىرەي ءتۇستى.

The Qazaq Times