Foto: impulse-tech.su

Mitsubishi zertteu institutınıñ payımdauınşa, 2030 jılı Künşığıs elinde Robottardıñ jwmıs isteuine baylanıstı  2,4 million adam qızmetinen qısqartılmaq. YAğni, bolaşaqta adamnıñ  qol küşin jasandı intellekti bar robottar almastıratın boladı. Bwl – adamzat  üşin ülken sın-qater. Onı toqtatu mümkin be? Bwl tehnikalar  qanşalıqtı tiimdi?

Eñ aldımen Satosi Sirato institutınıñ qızmetkeriniñ sözin nazarlarıñızğa wsınamız:

«Jasandı intellekttiñ damuına baylanıstı, önimdi sektorlar ğana emes, jalpı jwmıs orındarındağı qısqartularğa äkelip soğadı. Soğan baylanıstı bwl jüyeni öndirer aldında jaqsılap oylanuımız qajet. Mäselen, jwmısınan ayırılıp qalğandar üşin az-kem tabıs äkeletindey ğana şığaruğa  boladı».

Ol aytıp otırğan «Jasandı intellekt» turalı siz ne bilesiz? Jasandı intellekt degenimiz – adamnıñ oyın, is-äreketin komp'yuterde beyneleytin komp'yuterlik jüye. Bwl sözdi alğaş ret 1956 jılı Dartmut universitetinde, Jon Makkarti esimdi azamat qoldanğan körinedi. Sodan beri bwl salanı zertteuşiler men oğan qızığuşılıq tanıtuşılar kün sanap artıp keledi. Jon mırzanıñ payımdauınşa, jasandı intellekt eki bağıtta jüzege asadı. Birinşisi, adamnıñ intellektualdı äreketin qarastırsa (esepter men teoremalardı şeşu, t.b.); ekinşisi adamnıñ sanalı is-äreketin qarastıradı.  Mine ğajap! Endigäri robottar men adamdar qatar qızmet etedi. Bwl – ğılımi jañalıq, rasımen. Dese de, atalmış mäsele – ülken  qauiptiñ bası bolıp twr. Sebebi, odan keyin halıqta tehnologiyalarmen emes, adamdardıñ jwmıssızdığımen küres bastalmaq...

Sarapşılardıñ  payımdauınşa da, robottandıru birinşi kezekte önerkäsip,  qızmet körsetu men sauda-sattıq salasındağı 7,4 mln jwmıskerlerine qolbaylau bolmaq. Tehnologiyalardı (Ärine, bärin emes. Adamzat üşin qauip töndiretinderin) jaqında ötken   «CES – 2017»  sekildi innovaciyalıq körmeler üşin ğana şığaru kerek sekildi. Sebebi, «jasandı intellekti bar robot»  bäribir adam emes. «Jasandı»-nıñ toğı  sönedi de qaladı. Oylanayıq....

 Gülim Rısqwl

"The Qazaq Times"