ۋكراينا ەرىكتى ارمياسىنىڭ مۇشەلەرى زاپوروجەدەگى پوزيتسيانى گاۋبيتسادان اتقىلاپ جاتىر. فوتو: VOA

رەسەي قورعانىس مينيسترلىگى سارسەنبىدە جاساعان زىمىران شابۋىلدارى ارقىلى ۋكرايناداعى 59 نىساندى جويعانىن، ونىڭ اراسىندا اقش پەن ەۋروپا ەلدەرىنەن كومەككە بەرىلگەن قارۋ-جاراق پەن وق-ءدارى قويمالارى دا بار ەكەنىن ايتتى. وسىمەن ءبىر ۋاقىتتا بۇۇ مالىمدەمە جاساپ، ماسكەۋ مەن كيەۆتەگى حالىقارالىق قاۋىمداستىق وكىلدەرى ۇيىمنىڭ باس حاتشىسى گۋتەرريش پەن رەسەي پرەزيدەنتى پۋتين اراسىندا قول جەتكىزگەن كەلىسىمنىڭ ورىندالۋىن قاداعالاپ جاتقانىن حابارلادى.

بۇۇ باس حاتشىسى مەن رەسەي پرەزيدەنتى ورتاسىنداعى كەلىسىم ماريۋپولدەگى جانە «ازوۆستال» بولات قورتۋ زاۋىتىنداعى بەيبىت تۇرعىنداردى ەۆاكۋاتسيالاۋعا جول اشادى دەپ كۇتىلگەن. الايدا، قازىرگە دەيىن الەم مۇنداي كەلىسىمنىڭ ناتيجەسىن كورە قويمادى. گۋتەرريشتىڭ ءباسپاسوز حاتشىسى حاكە جۋرناليستەرگە ەۆاكۋاتسيا بويىنشا ارەكەت ەتۋ شەڭبەرى بويىنشا تالقىلاۋلار جالعاسىپ جاتقانىن ايتتى.

اقش پەن ونىڭ وداقتاستارى سەيسەنبىدە ۋكراينا كۇشتەرىن قولداۋ جانە رەسەي ەكونوميكاسىنا قىسىمدى كۇشەيتۋ ءۇشىن جىلدام ءارى كۇشتى ارەكەت ەتەتىندەرىن ءبىلدىردى. اقش كونگرەسى ۋكرايناعا قارۋ-جاراق قولداۋىن ودان ءارى ۇلعايتۋعا مۇمكىندىك بەرەتىن «لەند-ليزينگ» اكتىسى – قۇراما شتتار قابىلداعان جاڭا ەرەجە سەنات پەن وكىلدەر پالاتاسىنىڭ رۇقساتىن كۇتىپ وتىرماستان ۋكرايناعا قارۋ-جاراق جونەلتۋدى قامتاماسىز ەتە الادى. ياعني، بۇرىن اسكەري قارۋ-جاراق جونەلتۋ شەشىمى قابىلدانىپ، ۋكرايناعا جەتكىزىلگەنگە دەيىن بىرنەشە اپتا ۋاقىت كەتەتىن بولسا، قازىر بۇل ۋاقىت ءۇش كۇنگە قىسقاردى.

ال، مەم. حاتشى بلينكەن جانە قورعانىس ءمينيسترى ءوستيننىڭ ۋكراينا پرەزيدەنتى زەلەنسكيمەن كەزدەسكەننەن كەيىن تاراپتار ءبىر-بىرىنە نە كەرەك ەكەنىن جانە قانداي كومەكتىڭ زارۋلىگىن ءتىپتى دە انىق تۇسىنگەنىن بلينكەننىڭ ءوزى ايتتى.

پەنتاگون مالىمەتىنە ساي، سارسەنبىگە دەيىن اقش-تان ۋكرايناعا اقش-تىڭ 90 گاۋبيتسانىڭ جارتىسىنان كوبى جەتكىزىلدى جانە الىس قاشىقتىققا اتىلاتىن ارتيللەريا بويىنشا جاتتىعۋلاردىڭ ءبىرىنشى كەزەڭى اياقتالدى. سارسەنبىدەگى مالىمدەمەسىندە پەنتاگون وكىلى كيربي رەسەيدىڭ بار كۇشىن ۋكراينانىڭ شىعىسى مەن وڭتۇستىگىنە باعىتتاعانىن ماسكەۋدىڭ نەگىزگى ستراتەگيالىق ماقساتىنىڭ ورىندالماۋىنىڭ ايقىن دالەلى رەتىندە كورسەتتى. ءارى، بۇنداي جاعدايدا ۋكرايناعا اقش تارابىنان جەتكىزىلىپ جاتقان اسكەري قولداۋدىڭ ماڭىزدىلىعى جوعارى ەكەنىن ايتىپ وتكەن.

رەسەي تارابى باتىستىق قارۋ-جاراق جينالعان نىسانداردى جويدىق دەگەنىمەن، اقش جانە ونىڭ ەۋروپالىق، وزگە باتىستىق وداقتاستارىنىڭ ۋكرايناعا اسكەري قولداۋى بۇرىنعىدان دا ارتا تۇسەتىنى بايقالادى.

The Qazaq Times