Resey Qorğanıs ministrligi särsenbide jasağan zımıran şabuıldarı arqılı Ukrainadağı 59 nısandı joyğanın, onıñ arasında AQŞ pen Europa elderinen kömekke berilgen qaru-jaraq pen oq-däri qoymaları da bar ekenin ayttı. Osımen bir uaqıtta BWW mälimdeme jasap, Mäskeu men Kievtegi halıqaralıq qauımdastıq ökilderi wyımnıñ bas hatşısı Guterriş pen Resey prezidenti Putin arasında qol jetkizgen kelisimniñ orındaluın qadağalap jatqanın habarladı.

BWW bas hatşısı men Resey prezidenti ortasındağı kelisim Mariupol'degi jäne «Azovstal'» bolat qortu zauıtındağı beybit twrğındardı evakuaciyalauğa jol aşadı dep kütilgen. Alayda, qazirge deyin älem mwnday kelisimniñ nätijesin köre qoymadı. Guterriştiñ baspasöz hatşısı Hake jurnalisterge evakuaciya boyınşa äreket etu şeñberi boyınşa talqılaular jalğasıp jatqanın ayttı.

AQŞ pen onıñ odaqtastarı seysenbide Ukraina küşterin qoldau jäne Resey ekonomikasına qısımdı küşeytu üşin jıldam äri küşti äreket etetinderin bildirdi. AQŞ Kongresi Ukrainağa qaru-jaraq qoldauın odan äri wlğaytuğa mümkindik beretin «Lend-lizing» aktisi – Qwrama Şttar qabıldağan jaña ereje Senat pen Ökilder palatasınıñ rwqsatın kütip otırmastan Ukrainağa qaru-jaraq jöneltudi qamtamasız ete aladı. YAğni, bwrın äskeri qaru-jaraq jöneltu şeşimi qabıldanıp, Ukrainağa jetkizilgenge deyin birneşe apta uaqıt ketetin bolsa, qazir bwl uaqıt üş künge qısqardı.

Al, mem. hatşı Blinken jäne qorğanıs ministri Ostinniñ Ukraina prezidenti Zelenskiymen kezdeskennen keyin taraptar bir-birine ne kerek ekenin jäne qanday kömektiñ zäruligin tipti de anıq tüsingenin Blinkenniñ özi ayttı.

Pentagon mälimetine say, särsenbige deyin AQŞ-tan Ukrainağa AQŞ-tıñ 90 gaubicanıñ jartısınan köbi jetkizildi jäne alıs qaşıqtıqqa atılatın artilleriya boyınşa jattığulardıñ birinşi kezeñi ayaqtaldı. Särsenbidegi mälimdemesinde Pentagon ökili Kirbi Reseydiñ bar küşin Ukrainanıñ şığısı men oñtüstigine bağıttağanın Mäskeudiñ negizgi strategiyalıq maqsatınıñ orındalmauınıñ ayqın däleli retinde körsetti. Äri, bwnday jağdayda Ukrainağa AQŞ tarabınan jetkizilip jatqan äskeri qoldaudıñ mañızdılığı joğarı ekenin aytıp ötken.

Resey tarabı batıstıq qaru-jaraq jinalğan nısandardı joydıq degenimen, AQŞ jäne onıñ europalıq, özge batıstıq odaqtastarınıñ Ukrainağa äskeri qoldauı bwrınğıdan da arta tüsetini bayqaladı.

The Qazaq Times