فبر دونالد ترامپتىڭ ۇيىنە ءتىنتۋ جۇرگىزدى

اقش-تىڭ بۇرىنعى پرەزيدەنتى دونالد ترامپ ءوزىنىڭ فلوريداداعى ۇيىنە فبر ءتىنتۋ جۇرگىزگەنىن، ۇيدەگى سەيفتى بۇزىپ اشقانىن ايتتى.

دۇيسەنبى كۇنگى تىنتۋدە ترامپ مىرزانىڭ قۇجاتتارىن تەكسەرگەن. "بۇعان دەيىن امەريكا قۇراما شتاتتارىنىڭ پرەزيدەنتتەرىنىڭ ەشقايسىسىندا مۇنداي جاعداي بولعان ەمەس»- دەدى بۇرىنعى پرەزيدەنت. ترامپتىڭ ادۆوكاتى كريستينا بوبب NBC News-كە بەرگەن پىكىرىندە ءتىنتۋ كەزىندە كەيبىر قاعازدار تاركىلەنگەنىن ايتتى، ونىڭ ۇيىنەن بىرنەشە قوراپ قۇجات الىنعان. امەريكاندىق پرەزيدەنتتەر پرەزيدەنتتىك جازبالار تۋرالى زاڭعا (PRA) سايكەس وزدەرىنىڭ بارلىق حاتتارىن، جۇمىس قۇجاتتارىن جانە ەلەكتروندىق پوشتالارىن ۇلتتىق مۇراعاتقا (NA) بەرۋى كەرەك.

اقپان ايىندا ۇلتتىق مۇراعات مار-ا-لاگودان 15 قوراپ قاعازدى العانىن ايتتى، ونى ترامپ اق ۇيدەن شىققان كەزدە تاپسىرۋى كەرەك ەدى. ۇلتتىق مۇراعات شەنەۋنىكتەرىنىڭ ايتۋىنشا، بۇرىنعى پرەزيدەنت كوپتەگەن قۇجاتتاردى زاڭسىز بۇلدىرگەن. ولاردىڭ كەيبىرەۋلەرىن قايتادان قالپىنا كەلتىرۋگە تۋرا كەلدى دەيدى.   الايدا ترامپ مىرزا جانە ونىڭ جاقتاستارى بولعان وقيعاعا نارازى. ولاردىڭ ايتۋىنشا امەريكا قازىر بۇرىن-سوڭدى بولماعان دەڭگەيدە سىبايلاس جەمقورلىق جايلاعان ەلدەردىڭ بىرىنە ايناعان. بۇل جاعداي ونىڭ 2024جىلى بولاتىن پرەزيدنتتىك سايلاۋعا دايىندىعى باستالعان كەزدە بولعاندىقتان، سايلاۋعا قاتىستىرماۋ ءۇشىن جاسالىپ جاتىر دەپ سانايدى.