COP26 ءسامميتى: 2030 جىلعا دەيىن ورمان كەسۋگە تىيىم سالىنادى

2030 جىلعا دەيىن ورمان اعاشتارىن كەسۋ توقتاتىلادى. بۇعان COP26 كليمات سامميتىنە قاتىسقان 100-دەن استام مەملەكەت باسشىلارى كەلىسىم بەردى. كەلىسىم قاتارىندا الەمدەگى ەڭ ءىرى امازونكا ورمانىنىڭ باسىم بولىگىن يەلەيتىن برازيليا دا بار.

كوپتەگەن ەلدەر قول قويعان بۇل كەلىسىمدى جۇزەگە اسىرۋ ءۇشىن 19,2 ملرد اقش دوللارى كولەمىندە قارسى قاراستىرىلعان. بۇل مەملەكەتتىك جانە جەكەلىك قولداۋعا جۇمسالاتىن قارجى ەسەبىنە جاتادى.

كليمات داعدارىسىنان الاڭداپ كەلگەن ساراپشىلار اتالعان كەلىسىمدى اسا جوعارى باعالادى. بىراق، ءالى دە بولسىن الاڭدايتىن ماسەلە كوپ، ايتالىق 2014 جىلى كەلىسىلگەن «ورمان اعاشتارىن كەسۋدى ازايتۋ» كەلىسىمى كوپتەگەن ەلدەر جاعىنان اتقارۋسىز قالىپ قويدى. سوعان قاراپ بۇل كەلىسىمنىڭ قانشالىقتى دەڭگەيدە اتقارىلارىن بولجاپ ايتۋ قيىن.

كليمات داعدارىسىنىڭ الدىن الۋدا ورمان-توعايدى، جاسىل جامىلعىلاردى قورعاۋ بويىنشا شارالار ەڭ ماڭىزدى. سەبەبى، ادامزات وندىرىستىك ءىس-قيمىلىنان شىققان CO2 گازىن وسى وسىمدىكتەر ءسىمىرىپ، اتموسفەرانىڭ لاستانۋىن جەڭىلدەتەدى.

ەگەر جەر شارىنىڭ جىلىنۋى، وزون قاباتىنىڭ تەسىلۋى، سو2 گازىنىڭ كوپ مولشەردە ءبولىنۋى سەكىلدى جاھاندىق داعدارىستىڭ الدىن الاتىن كۇردەلى قادامدارعا قول جەتكىزە السا وندا بۇل رەتكى گلازگوداعى ايتۋلى جيىننىڭ ءماندى بولعانى.