كەلەسى اپتانىڭ باسىندا، قاراشا ايىنىڭ 1-ىنەن قازاقستان جوعارى ءبىلىم بەرۋ سالاسىندا العاش رەت ماگيستراتۋراعا قىسقى ەمتيحانعا قۇجات تاپسىرۋ كەزەڭى باستالادى. QT رەداكتسياسى سۇراۋى نەگىزىندە ءبىلىم جانە عىلىم مينيسترلىگى قىسقى كەزەڭگە ارنالعان 3,2 مىڭ گرانتتىڭ سالاارالىق ەسەبىن جاريالادى.
تالاپكەرلەردى تولعاندىرعان ماسەلە – وقۋ جىلىنا جوسپارلانعان گرانتتاردىڭ يگەرىلمەگەن بولىگى، ياعني جازعى كەزەڭنەن ارتىلعان كۆوتا سانى تۋرالى اقپاراتتى QT رەداكتسياسى بىرنەشە اپتادان بەرى سۇراتىپ، ۆەدومستۆوعا حات تا جولداعان. ءبىلىم ءمينيسترى اسحات ايماعامبەتوۆ وتكەن بەيسەنبىدە ورتكوم الاڭىندا وتكەن بريفينگتە ءتىلشى سۇراعىنا بايلانىستى اتالعان مالىمەتتى ۆەدومستۆو سايتىنا اشىق دەرەك رەتىندە جاريالاۋعا ۋادە بەرگەن.
«ەندى وقۋعا قابىلداۋ جىلىنا ەكى رەت وتكىزىلەدى: ءداستۇرلى تۇردە – جازدا جانە قوسىمشا قىستا تەست تاپسىرا الادى. بايقاۋعا جازدا گرانتقا تۇسە الماعان ۇمىتكەرلەر دە، بۇرىن كەشەندى تەستىلەۋدەن وتپەگەندەر دە قاتىسا الادى. تالاپكەرلەر 1 قاراشادان باستاپ ماگيستراتۋراعا ءتۇسۋ ءۇشىن ەكىنشى مارتە وتكىزىلەتىن كەشەندى تەستىلەۋگە قۇجاتتارىن تاپسىرا الادى»، – دەلىنگەن مينيسترلىك ءباسپاسوز قىزمەتى جولداعان حابارلامادا.
تەستىلەۋگە قاتىسار الدىن تالاپكەر ۇلتتىق تەستىلەۋ ورتالىعىنىڭ app.testcenter.kz سايتىندا تىركەۋدەن وتەدى. قۇجاتتار 1-15 قاراشا ارالىعىندا قابىلدانادى، ال تەستىلەۋ 18 قاراشادان 11 جەلتوقسانعا دەيىن وتەدى. ماگيستراتۋرا ءبىلىم بەرۋ گرانتتارىن تاعايىنداۋ كونكۋرسىنا قاتىسۋ ءۇشىن 25 جەلتوقسانعا دەيىن ءوتىنىم بەرىلەدى.
ماگيستراتۋراعا مەملەكەتتىك تاپسىرىس ەسەبىنەن 3200 گرانت قاراستىرىلعان. ەڭ كوپ سۇرانىسقا يە ماماندىقتار قاتارى: «حيميا» (172 گرانت), «ۆەتەريناريا» (169), «مەحانيكا جانە مەتالل وڭدەۋ» (156), «مەتاللۋرگيالىق ينجەنەريا» (137), «قۇرىلىس ماتەريالدارىن، بۇيىمدارىن مەن كونسترۋكتسيالارىن ءوندىرۋ» (132 گرانت), «ماتەريالتانۋ جانە جاڭا ماتەريالدار تەحنولوگياسى» (130) جانە ت.ب. 70-كە تارتا ماماندىقتان تۇراتىن تولىق ءتىزىم مەن قاجەتتى قۇجاتتار جونىندەگى اقپاراتتى ۇتو-نىڭ مىنا سىلتەمەسىنەن كورۋگە بولادى.
مينيسترلىكتىڭ ءباسپاسوز قىزمەتى حابارلاۋىنشا، دوكتورانتۋرا ساناتىنىڭ قىسقى كەزەڭىنە 514 گرانت بولىنگەن. بىراق ولاردىڭ ماماندىقتار بويىنشا ەسەبى بەرىلمەدى. رەسمي جالپىلاما اقپاراتقا قاراعاندا، PhD دەڭگەيىندە پەداگوگيكالىق، ونەر جانە گۋمانيتارلىق، الەۋمەتتىك عىلىمدار، جۋرناليستيكا جانە اقپارات، بيزنەس، باسقارۋ جانە قۇقىق، جاراتىلىستانۋ عىلىمدارى، ماتەماتيكا جانە ستاتيستيكا، اقپاراتتىق-كوممۋنيكاتسيالىق تەحنولوگيالار، ينجەنەرلىك، وڭدەۋ جانە قۇرىلىس سالالارىنا كوڭىل بولىنگەن.
شەرزاتتىڭ ءولىمى ىسىنە قاتىستى قۇپيا ۆيدەونى جاريالاۋ كىمگە كەرەك بولدى؟ – ساراپشىلار مەديا سىنى
24 قازان – كىتاپحاناشىلار مەرەكەسى قۇتتى بولسىن!
«ۋچاسكەدەن ارۋاققا كوك حات»: الماتىدا مارقۇمعا كەلگەن شاقىرتۋ
كوميسسيا مەن باقىلاۋشى ەسەبىندەگى ايىرماشىلىق: الماتىدا رەفەرەندۋم قالاي ءوتىپ جاتىر؟
ء"ادىل قازاقستان، ەستيتىن مەملەكەت" ەندى ادۆوكاتتارعا قىسىم جاساي باستادى ما؟
«پسەۆدو-بايقاۋشى» الدە كاسىبي باقىلاۋشى: رەفەرەندۋمدى كىم باقىلايدى؟