قازاقستانداعى 3 مىڭداي وقۋ وشاعىندا وفلاين ءبىلىم بەرىپ جۇرگەن مۇعالىمدەرگە كوروناۆيرۋس جۇعا قالعان جاعدايدا مەملەكەت تاراپىنان ەشقانداي وتەماقى تولەنبەيدى.
مەكتەپكە دەيىنگى جانە باستاۋىش سىنىپتارى وقيتىن 3 مىڭداي مەكتەپتە وفلاين فورماتتا ءبىلىم بەرىلىپ جاتىر. بۇل ەلدەگى مەكتەپتەردىڭ 43%-ى. ءبىلىم ۆيتسە-ءمينيسترى شولپان كارينوۆانىڭ ايتۋىنشا، وقۋشىلاردىڭ 70%-ى قاشىقتان وقۋدا. سونداي-اق، تەحنيكالىق قۇرالعا مۇقتاج 435 مىڭ وقۋشىعا كومپيۋتەر تاراتىلعان.
347 مىڭ مۇعالىم جاڭا وقۋ جىلى قارساڭىندا دايىندىقتان وتكەنىنە قاراماستان، بايلانىس پلاتفورمالارىندا كەلەڭسىز جاعدايلار بولعانىن مويىندادى. رەسمي وكىل اتالعان فاكتى بويىنشا شارالار قولعا الىنعانىن مالىمدەدى.
«مينيسترلىكتىڭ ۇستانىمى بويىنشا، شتاتتىق رەجيمدە ىستەۋگە مۇعالىمنىڭ كەلىسىمى الىنادى. ەگدە جاستاعى مۇعالىمدەرگە وفلاين وقىتۋعا رۇقسات ەتىلمەگەن. مۇعالىمدەردى جان-جاقتى قولدايتىنىمىزدى بىرنەشە رەت ايتىپ كەلەمىز. قازاقستان قوعامىندا تەك مۇعالىمدەر عانا جۇمىس ىستەپ جۇرگەن جوق. سوندىقتان مۇعالىمدەردى جەكە دارا ءبولىپ الىپ قاراستىرۋ دۇرىس ەمەس شىعار دەپ ەسەپتەيمىز. بىراق ۆەدومستۆو پەداگوگتەردىڭ ماسەلەلەرىن جان-جاقتى قاراستىراتىن بولادى»، – دەدى شولپان كارينوۆا بۇگىن بريفينگتە.
قازاقستاندا مىڭداعان پەداگوگ مەكتەپ قابىرعاسىندا ءبىلىم بەرۋدە. الايدا ءالى كۇنگە دەيىن ىندەتتىڭ بەتى قايتقان جوق. كەرىسىنشە، ۇكىمەت قۇرامى كۇزگى تولقىنعا دايىندىق جۇرگىزىپ جاتىر.
ەرتاەۆ قايتا قامالعان كۇز: راقىمشىلىق «زاڭسىزدىق جارمەڭكەسىنە» اينالدى ما؟
تالعار تراگەدياسى: قىزىلقايراتتاعى قىلمىسقا قاتىستى جەتى ءىس قوزعالدى
قىزىلورداداعى №60 مەكەمەدەن حات: قاماۋداعى دۋمان مۇحامەتكارىم قاۋىپسىزدىك سۇرايدى
تالعارداعى قاندى وقيعا: ءىىم-گە جولدانعان ساۋال جانە قوعام كۇتكەن جاۋاپ
تالعاردا تاعى دا قاندى وقيعا. پوليتسيانىڭ جاۋاپسىزدىعى ما، جۇيەلىك داعدارىس پا؟
قايرات قوجامجاروۆقا قاتىستى تەرگەۋ: نازارباەۆ ءداۋىرىنىڭ ىقپالدى شەنەۋنىگىنە كەزەك كەلدى