قازاننىڭ 8 كۇنى، شىعىس قازاقستان وبلىسى، وسكەمەن قالاسىنا قاراستى گلۋبوكي اۋدانىنىڭ ورتالىعىندا حح عاسىردىڭ العاشقى جارتىسىندا شىعىس تۇركىستاننىڭ تاۋەلسىزدىگى ءۇشىن كۇرەسىپ شاھيت كەشكەن، ۇلت ازاتتىق كوتەرىلىسىنىڭ كوسەمى وسپان باتىر ءسىلامۇلى (1899-1951) اتىندا مەشىت اشىلدى.

مەشىتتىڭ اشىلۋ سالتاناتىنا استانا-الماتى قالالارىنان ارىستان شاداتۇلى، ءجادي شاكەن، سەرىك ءابىل باستاعان اقىن-جازۋشىلار، ونەر ادامدارى مەن بىرگە ءدىني قايراتكەرلەرى شىعىس قازاقستان بويىنشا باس يمامى ەرمەك قاسبولاتۇلى، اۋدان يمامى، گلۋبوكي اۋدانى اكىمدىگىنىڭ اپارات باسشىسى جانە وسپان باتىردىڭ نەمەرەسى وركەن ءنابيۇلى باستاعان باتىردىڭ ۇرپاقتارى، تاعى باسقادا قوناقتار قاتىستى.

سالتاناتتى شارادا حالقارالىق «ەر جانىبەك» قوعامدىق قورى مەن «تۇعىرىل حان – وڭ حان» كورپوراتيۆتىك قورى باستاعان ۇجىمدار مەشىتتىڭ سالىنۋىنا اتسالىسقان ازاماتتارعى ارنايى العىسىن ءبىلدىردى.

بۇعان دەيىن قازاقستان ءدىني باسقارماسىنىڭ توراعاسى باس ءمۇفتي  ناۋرىزباي قاجى تاعانۇلى قازاقستان مۇسىلماندارى ءدىني باسقارماسىنىڭ 30 جىلدىق مەرەينا وراي: «ايتۋلى مەرەيتوي مۇسىلمان جاماعاتىنا رۋحاني سەرپىلىس بەرۋ ءۇشىن ءدىن، ەل قامىندا شەيىت بولعان بوزداقتارىمىزدىڭ، اعارتۋشى عالىمدارىمىزدىڭ ەسىمىن مەشىتكە بەرۋ تۋرالى شەشىم قابىلدادىم». – دەپ وسى رەتتە قاسىم حان، قازىبەك بي، ايتەكە بي، بۇقار جىراۋ، قاجىمۇقان مۇڭايتپاسۇلى، اباي قۇنانبايۇلى، ءاليحان بوكەيحاندارمەن بىرگە وسپان باتىردىڭ اتىنداعى مەشىتتىڭ دە اشىلعانىن ايتقان  بولاتىن.

The Qazaq Times