بۇگىن، 24 ساۋىردە الماتىداعى شوقان ءۋاليحانوۆ اتىنداعى الاڭدا تىركەلمەگەن دەمپارتيا بەلسەندىلەرىنىڭ ۇيىمداستىرۋىمەن جەر ميتينگىسى ءوتتى. كۇندىزگى ساعات 12.00-دە باستالىپ، 2 ساعاتقا جالعاسقان قارسىلىق شاراسىنا 200-گە تارتا ادام جينالدى.

ميتينگىگە كەلگەندەر «قازاقستاننىڭ ەشقانداي جەرى ەشكىمگە ساتىلماسىن، شەتەلدىكتەرگە جالعا دا بەرىلمەسىن» دەپ تالاپ ەتتى.

«پارلامەنتتە قارالىپ جاتقان زاڭنىڭ قابىلدانۋىنا تۇبەگەيلى قارسىمىز»

قارسىلىق اكتسياسىندا العاش بولىپ ءسوز سويلەگەن دەمپارتيا جەتەكشىسى جانبولات مامايدىڭ ايتۋىنشا، بيلىك پارلامەنتتە قارالىپ جاتقان جەر تۋرالى زاڭ جوباسى ارقىلى قازاق جەرىن شەتەلدىكتەرگە بەرۋدى كوزدەپ وتىر.

دەمپارتيا باستاماشىل توبىنىڭ جەتەكشىسى جانبولات ماماي جاقتاستارىمەن بىرگە. الماتى قالاسى. ش.ءۋاليحانوۆ الاڭى. 24 ءساۋىر 2021 جىل. فوتو: QT / كۇلتەگىن اسپانۇلى

«بيلىك پارلامەنتتە قارالىپ جاتقان زاڭ جوباسى زاڭ ارقىلى شەتەلدىكتەرگە «ورمان ءوسىرۋ ءۇشىن» دەگەن جەلەۋمەن جەرىمىزدى 25 جىلعا جالعا بەرۋدى ماقسات ەتىپ وتىر. جانە ول زاڭ اۋىل شارۋاشىلىق جەرلەرىن قازاقستان ازاماتتارىنا ساتۋدى كوزدەيدى. ونى ساتىپ الاتىن كىمدەر؟ لاتيفۋنديستەر، وليگارحتار، نازارباەۆتىڭ اينالاسىندا جۇرگەندەر. قاراپايىم قازاق ون سوتىق جەرگە جەتە الماي جۇرگەندە مىسالى، روزينوۆتىڭ 1,5 ملن گەكتار جەرى بار ەكەن. ءومىر بويى مەملەكەتتىك قىزمەت جاساعان كۋلاگيننىڭ 80 مىڭ گەكتار جەرى بار دەيدى. تەمىرحان دوسمۇحامبەتوۆتىڭ، بولات نازارباەۆتىڭ مىڭداعان گەكتار جەرى بار. تەرەششەنكولاردىڭ جۇزدەگەن مىڭ گەكتار جەرى بار. سونىڭ بارلىعى قايدان كەلدى؟ قازىر قازاقتى جەردەن ايىرۋ ساياساتىن كورىپ وتىرمىز. بيلىك ءبىزدى تاۋەلسىزدىكتەن تۇبەگەيلى ايىرعالى وتىر. ءبىز بۇعان تۇبەگەيلى قارسىمىز. زاڭنىڭ قابىلدانۋىنا تۇبەگەيلى قارسىمىز» دەدى ماماي.

جيىن بارىسىن ادەتتەگىدەي كۇشتىك قۇرىلىم وكىلدەرى ازاماتتىق فورمادا باقىلاپ ءجۇردى. الماتى قالاسى. ش.ءۋاليحانوۆ الاڭى. 24 ءساۋىر 2021 جىل. فوتو: QT / كۇلتەگىن اسپانۇلى

«نازارباەۆتىڭ جەمقور جۇيەسى تاۋىلسىزدىگىمىزگە قاۋىپ ءتوندىرىپ تۇر»

بەلسەندى ابزال دوستياروۆ «مەملەكەت تاۋەلسىزدىگىنە قاۋىپ ءتوندىرىپ تۇر» دەپ قازاقستاننىڭ ەكس-پرەزيدەنتى نۇرسۇلتان نازارباەۆ پەن ول قۇرعان جۇيەنى ايىپتاي سويلەدى.

دەمپارتيا بەلسەندىسىنىڭ ءبىرى. الماتى قالاسى. ش.ءۋاليحانوۆ الاڭى. 24 ءساۋىر 2021 جىل. فوتو: QT / كۇلتەگىن اسپانۇلى

«نازارباەۆتىڭ ماقساتى – قازاقتى جەرىنەن ايىرىپ، مەملەكەتىمىزدى قۇرتۋ. نازارباەۆتىڭ جەمقور جۇيەسى تاۋەلسىزدىگىمىزگە قاۋىپ ءتوندىرىپ تۇر. ول قۇرعان ديكتاتور جۇيەگە، قاندىقول قاراقشى جۇيەگە بارلىعىمىز قارسى شىعۋىمىز كەرەك. نازارباەۆتىڭ بيلىگىنە قازاقتىڭ جەرىن تالان تاراجعا سالعىزىپ قويمايمىز. جەر ونىڭ جەكمەنشىگى ەمەس» دەدى دوستياروۆ ميتينگىدە سويلەگەن سوزىندە.

جينالعاندار قولىنا ۇستاپ تۇرعان كورنەكى پلاكاتتاردان پروتەستىك كوڭىل-كۇي كورىنەدى. الماتى قالاسى. ش.ءۋاليحانوۆ الاڭى. 24 ءساۋىر 2021 جىل. فوتو: QT / كۇلتەگىن اسپانۇلى

جينالعاندار قولىنا ۇستاپ تۇرعان كورنەكى پلاكاتتاردان پروتەستىك كوڭىل-كۇي كورىنەدى. الماتى قالاسى. ش.ءۋاليحانوۆ الاڭى. 24 ءساۋىر 2021 جىل. فوتو: QT / كۇلتەگىن اسپانۇلى

قارسىلىق اكتسياسىندا ءسوز سويلەگەندەر نەگىزىنەن «قازاقستان جەرىنە قىتايدان قاۋىپ ءتونىپ تۇر» دەگەندى ايتتى. جينالعاندار كوتەرىپ تۇرعان پلاكاتتاردا دا «قىتايعا جەر بەرۋ – ۇلتقا ساتقىندىق!»، «قىتاي جەرىمىزگە كوز سالماسىن!»، «قىتاي ەلشىسى ەلشى مە، جاۋشى!»، «قىتاي زاۋىتتارىنا جول جوق!» دەگەن ۇراندار جازىلعان. دەسە دە، قىتاي عانا ەمەس، رەسەيدەن دە قاۋىپ بار ەكەنى ايتقاندار بولدى. سولاردىڭ ءبىرى – قوعام بەلسەندىسى رىسبەك سارسەنبايۇلى.

قوعام بەلسەندىسى رىسبەك سارسەنباي. الماتى قالاسى. ش.ءۋاليحانوۆ الاڭى. 24 ءساۋىر 2021 جىل. فوتو: QT / كۇلتەگىن اسپانۇلى

«قىتايدى كوپ ايتامىز، ال سولتۇستىكتەگى كورشىنى نەگە ەسكەرمەيمىز؟ ول ۋكراينادا نە ىستەدى؟ دونەتسك مەن لۋگانسكىنى قالاي بولشەكتەدى؟ مۇنىڭ ءبارى نە ءۇشىن؟ جەر ءۇشىن. ازەربايجانداعى قاراباق نە ءۇشىن؟ جەر ءۇشىن. سونداي سوعىس، قاقتىعىستىڭ بىزگە كەرەگى جوق» دەدى سارسەنبايۇلى.

بەلسەندىلەر بايراق كوتەردى. الماتى قالاسى. ش.ءۋاليحانوۆ الاڭى. 24 ءساۋىر 2021 جىل. فوتو: QT / كۇلتەگىن اسپانۇلى

پوليتسيا اۆتوزاگى. الماتى قالاسى. ش.ءۋاليحانوۆ الاڭى. 24 ءساۋىر 2021 جىل. فوتو: QT / كۇلتەگىن اسپانۇلى

توسقاۋىلعا تاپ بولعان شەرۋ

جينالعانداردىڭ ىشىنەن 30-عا جۋىق ادام 2 ساعاتتاي ءسوز سويلەپ، ءتۇرلى تالاپتار ايتىلعان سوڭ ميتينگىنى ۇيىمداستىرۋشى جانبولات ماماي جينالعانداردى رەسپۋبليكا الاڭىنا قاراي شەرۋلەتۋگە شاقىردى. ءبىر توپ نارازى شەرۋلەتە باستاعانى سول ەدى، پوليتسيا جاساعى ولاردىڭ جولىن بوگەپ، رەسپۋبليكا الاڭىنا قاراي جۇرگىزبەي تاستادى. قارسىلىققا تاپ بولعان نارازىلار ءۋاليحانوۆ الاڭىنا قايتىپ كەلدى. سول جەردە جانبولات ماماي جيىندى قورىتىندىلاپ، بيلىككە تالاپ قويدى، جينالعاندار ونى قوستادى.

دەمپارتيا باستاماشىل توبىنىڭ جەتەكشىسى جانبولات ماماي جاقتاستارىمەن بىرگە. الماتى قالاسى. ش.ءۋاليحانوۆ الاڭى. 24 ءساۋىر 2021 جىل. فوتو: QT / كۇلتەگىن اسپانۇلى

«بيلىك ءبىزدىڭ شەرۋلەتىپ جۇرۋىمىزدەن قاتتى قورقىپ وتىر. باسقا دا ادامداردا بىزگە قوسىلىپ كەتە مە دەپ قاۋىپتەنەدى. سوندىقتان دا ءبىزدى تاۋەلسىزدىك الاڭىنا جەبەرمەي تۇر. مىنا پوليتسيالار بىزدەن ەكى ەسە كوپ. قارسىلاسساق ءبىر جەرىمىز زاقىمدانۋى مۇمكىن. سوندىقتان تارقايىق. بىراق بۇل سوڭعى ميتينگ ەمەس. بيلىك ءبىزدىڭ بۇگىنگى ايتقان تالاپتارمىزدى ورىنداماسا، ەگەر سەنات داۋلى زاڭدى قابىلداسا، 15 مامىردان باستاپ رەسپۋبليكا الاڭىندا شاتىر تىگىپ، سول جەردە اشتىق جاريالايمىز» دەدى جانبولات ماماي.

نارازىلاردىڭ جولىن ارنايى جاساق بوگەدى. الماتى قالاسى. ش.ءۋاليحانوۆ الاڭى. 24 ءساۋىر 2021 جىل. فوتو: QT / كۇلتەگىن اسپانۇلى

پوليتسيا جانە ارنايى جاساقتىڭ بىرنەشە شەبىنەن تۇراتىن قالىڭ قول كوپ ۇزاماي جولدى قايتا اشتى. الماتى قالاسى. ش.ءۋاليحانوۆ الاڭى. 24 ءساۋىر 2021 جىل. فوتو: QT / كۇلتەگىن اسپانۇلى

ارنايى جاساق جۇمىس كۇنىنىڭ جارتىسىن الاڭدا وتكىزدى. الماتى قالاسى. ش.ءۋاليحانوۆ الاڭى. 24 ءساۋىر 2021 جىل. فوتو: QT / كۇلتەگىن اسپانۇلى

"The Qazaq Times"