26 تامىز. الماتى. 6 ايدان بەرى قاماۋداعى ساياساتكەر، تىركەلمەگەن "دەموكراتيالىق پارتيانىڭ" جەتەكشىسى جانبولات مامايعا قارسى سي-18 مەكەمەسىندەگى تەرگەۋشى قاڭتار قىرعىنىنا بايلانىستى قاماۋدا جاتقان بوزبالاعا جالعان كۋالىك بەرۋگە يتەرمەلەگەن، بۇل تۋرالى جانبولاتتىڭ جۇبايى، جۋرناليست، قۇقىق قورعاۋشى ينگا يمانباي ء"بىز تەرگەۋشىلەردىڭ قىلمىسىن قولىمىزبەن ۇستاپ الدىق..." دەدى.

ينگا ءوزىنىڭ پاراقشاسىندا "

الپىسباەۆ تۇرسىنباي باۋىرجانۇلى. ءدال وسى قازاقتىڭ جىگىتى تەرگەۋشىلەردىڭ قىسىمىنا كونبەي، جانبولات مامايعا قارسى كۋالىك ەتۋدەن باس تارتقان. تۇرسىنبايعا، ونىڭ اتا-اجەسى مەن اپكەسىنە، قورعاۋشىسى جالگاس ساپارحانوۆاعا العىس ايتامىز! اقيقاتتان اتتاماي، ساتقىندىققا جول بەرمەي، ادىلەتتىڭ جاعىندا بولعاندارىڭىزعا العىسىمىز شەكسىز!
قۇزىرلى ورگانداردى، بيلىكتىك جاندايشاپتارىن ەسكەرتەمىز، سي 18 مەكەمەسىندە وتىرعان تۇرسىنبايعا وسى باتىل قادامى ءۇشىن قانداي دا قىسىم، قيانات جاسالسا جاۋاپ بەرەسىڭدەر! ءبىز ونىڭ ارى قارايعى تاعدىرىن باقىلاۋدا ۇستايتىن بولامىز. ادۆوكاتىمەن ۇنەمى بايلانىستامىز". دەدى.

جانبولاتتىڭ قامالۋ سەبەبى مەن تۇرمەدەن بوساماي وتىرۋىنداعى ساياسي استار تۋرالى سۇحباتتا ايتىلادى.

“The Qazaq Times”