Tosqauılğa tap bolğan şeru: Almatıdağı mitingten fotoreportaj

Bügin, 24 säuirde Almatıdağı Şoqan Uälihanov atındağı alañda tirkelmegen Dempartiya belsendileriniñ wyımdastıruımen jer mitingisi ötti. Kündizgi sağat 12.00-de bastalıp, 2 sağatqa jalğasqan qarsılıq şarasına 200-ge tarta adam jinaldı.

Mitingige kelgender «Qazaqstannıñ eşqanday jeri eşkimge satılmasın, şeteldikterge jalğa da berilmesin» dep talap etti.

«Parlamentte qaralıp jatqan zañnıñ qabıldanuına tübegeyli qarsımız»

Qarsılıq akciyasında alğaş bolıp söz söylegen Dempartiya jetekşisi Janbolat Mamaydıñ aytuınşa, bilik parlamentte qaralıp jatqan jer turalı zañ jobası arqılı qazaq jerin şeteldikterge berudi közdep otır.

Dempartiya bastamaşıl tobınıñ jetekşisi Janbolat Mamay jaqtastarımen birge. Almatı qalası. Ş.Uälihanov alañı. 24 säuir 2021 jıl. Foto: QT / Kültegin Aspanwlı

«Bilik parlamentte qaralıp jatqan zañ jobası zañ arqılı şeteldikterge «orman ösiru üşin» degen jeleumen jerimizdi 25 jılğa jalğa berudi maqsat etip otır. Jäne ol zañ auıl şaruaşılıq jerlerin Qazaqstan azamattarına satudı közdeydi. Onı satıp alatın kimder? Latifundister, oligarhtar, Nazarbaevtıñ aynalasında jürgender. Qarapayım qazaq on sotıq jerge jete almay jürgende mısalı, Rozinovtıñ 1,5 mln gektar jeri bar eken. Ömir boyı memlekettik qızmet jasağan Kulaginniñ 80 mıñ gektar jeri bar deydi. Temirhan Dosmwhambetovtiñ, Bolat Nazarbaevtıñ mıñdağan gektar jeri bar. Tereşenkolardıñ jüzdegen mıñ gektar jeri bar. Sonıñ barlığı qaydan keldi? Qazir qazaqtı jerden ayıru sayasatın körip otırmız. Bilik bizdi täuelsizdikten tübegeyli ayırğalı otır. Biz bwğan tübegeyli qarsımız. Zañnıñ qabıldanuına tübegeyli qarsımız» dedi Mamay.

Jiın barısın ädettegidey küştik qwrılım ökilderi azamattıq formada baqılap jürdi. Almatı qalası. Ş.Uälihanov alañı. 24 säuir 2021 jıl. Foto: QT / Kültegin Aspanwlı

«Nazarbaevtıñ jemqor jüyesi täuilsizdigimizge qauip töndirip twr»

Belsendi Abzal Dostiyarov «memleket täuelsizdigine qauip töndirip twr» dep Qazaqstannıñ eks-prezidenti Nwrswltan Nazarbaev pen ol qwrğan jüyeni ayıptay söyledi.

Dempartiya belsendisiniñ biri. Almatı qalası. Ş.Uälihanov alañı. 24 säuir 2021 jıl. Foto: QT / Kültegin Aspanwlı

«Nazarbaevtıñ maqsatı – qazaqtı jerinen ayırıp, memleketimizdi qwrtu. Nazarbaevtıñ jemqor jüyesi täuelsizdigimizge qauip töndirip twr. Ol qwrğan diktator jüyege, qandıqol qaraqşı jüyege barlığımız qarsı şığuımız kerek. Nazarbaevtıñ biligine qazaqtıñ jerin talan tarajğa salğızıp qoymaymız. Jer onıñ jekmenşigi emes» dedi Dostiyarov mitingide söylegen sözinde.

Jinalğandar qolına wstap twrğan körneki plakattardan protestik köñil-küy körinedi. Almatı qalası. Ş.Uälihanov alañı. 24 säuir 2021 jıl. Foto: QT / Kültegin Aspanwlı

Jinalğandar qolına wstap twrğan körneki plakattardan protestik köñil-küy körinedi. Almatı qalası. Ş.Uälihanov alañı. 24 säuir 2021 jıl. Foto: QT / Kültegin Aspanwlı

Qarsılıq akciyasında söz söylegender negizinen «Qazaqstan jerine Qıtaydan qauip tönip twr» degendi ayttı. Jinalğandar köterip twrğan plakattarda da «Qıtayğa jer beru – wltqa satqındıq!», «Qıtay jerimizge köz salmasın!», «Qıtay elşisi elşi me, jauşı!», «Qıtay zauıttarına jol joq!» degen wrandar jazılğan. Dese de, Qıtay ğana emes, Reseyden de qauip bar ekeni aytqandar boldı. Solardıñ biri – qoğam belsendisi Rısbek Särsenbaywlı.

Qoğam belsendisi Rısbek Särsenbay. Almatı qalası. Ş.Uälihanov alañı. 24 säuir 2021 jıl. Foto: QT / Kültegin Aspanwlı

«Qıtaydı köp aytamız, al soltüstiktegi körşini nege eskermeymiz? Ol Ukrainada ne istedi? Doneck men Luganskini qalay bölşektedi? Mwnıñ bäri ne üşin? Jer üşin. Äzerbayjandağı Qarabaq ne üşin? Jer üşin. Sonday soğıs, qaqtığıstıñ bizge keregi joq» dedi Särsenbaywlı.

Belsendiler bayraq köterdi. Almatı qalası. Ş.Uälihanov alañı. 24 säuir 2021 jıl. Foto: QT / Kültegin Aspanwlı

Policiya avtozagi. Almatı qalası. Ş.Uälihanov alañı. 24 säuir 2021 jıl. Foto: QT / Kültegin Aspanwlı

Tosqauılğa tap bolğan şeru

Jinalğandardıñ işinen 30-ğa juıq adam 2 sağattay söz söylep, türli talaptar aytılğan soñ mitingini wyımdastıruşı Janbolat Mamay jinalğandardı Respublika alañına qaray şeruletuge şaqırdı. Bir top narazı şerulete bastağanı sol edi, policiya jasağı olardıñ jolın bögep, Respublika alañına qaray jürgizbey tastadı. Qarsılıqqa tap bolğan narazılar Uälihanov alañına qaytıp keldi. Sol jerde Janbolat Mamay jiındı qorıtındılap, bilikke talap qoydı, jinalğandar onı qostadı.

Dempartiya bastamaşıl tobınıñ jetekşisi Janbolat Mamay jaqtastarımen birge. Almatı qalası. Ş.Uälihanov alañı. 24 säuir 2021 jıl. Foto: QT / Kültegin Aspanwlı

«Bilik bizdiñ şeruletip jüruimizden qattı qorqıp otır. Basqa da adamdarda bizge qosılıp kete me dep qauiptenedi. Sondıqtan da bizdi Täuelsizdik alañına jebermey twr. Mına policiyalar bizden eki ese köp. Qarsılassaq bir jerimiz zaqımdanuı mümkin. Sondıqtan tarqayıq. Biraq bwl soñğı miting emes. Bilik bizdiñ bügingi aytqan talaptarmızdı orındamasa, eger senat daulı zañdı qabıldasa, 15 mamırdan bastap Respublika alañında şatır tigip, sol jerde aştıq jariyalaymız» dedi Janbolat Mamay.

Narazılardıñ jolın arnayı jasaq bögedi. Almatı qalası. Ş.Uälihanov alañı. 24 säuir 2021 jıl. Foto: QT / Kültegin Aspanwlı

Policiya jäne arnayı jasaqtıñ birneşe şebinen twratın qalıñ qol köp wzamay joldı qayta aştı. Almatı qalası. Ş.Uälihanov alañı. 24 säuir 2021 jıl. Foto: QT / Kültegin Aspanwlı

Arnayı jasaq jwmıs küniniñ jartısın alañda ötkizdi. Almatı qalası. Ş.Uälihanov alañı. 24 säuir 2021 jıl. Foto: QT / Kültegin Aspanwlı

"The Qazaq Times"