47 جىلدان كەيىن بىرىككەن كورولدىك ەۋروپالىق وداق قۇرامىنان شىقتى.

ءدال 31 قاڭتاردا 23.00-دە (1 اقپاندا نۇر-سۇلتان ۋاقىتى بويىنشا 05.00), ءۇش جارىم جىلدان سوڭ، بريتانيالىقتاردىڭ 51,89%-ءى Brexit ءۇشىن داۋىس بەردى.

دەگەنمەن، ۇلىبريتانيا مەن ەو اراسىنداعى كەلىسسوزدەر ءساتسىز بولعان جاعدايدا، ەلدە Brexit-ءتىڭ ءتيىمسىز بولجامدارى ورىندالۋى مۇمكىن: دسۇ تاريفتەرىن ەنگىزۋ، باعالاردىڭ كۇرت ءوسۋى، شەكاراداعى جۇك كولىكتەرىنىڭ كەزەگى، ءدارى-دارمەكتەر مەن ەۋروپالىق ونىمدەردىڭ تاپشىلىعى.

ەندى بريتانيا بيىل ءوزىنىڭ جاڭا يمميگراتسيالىق ساياساتىن پىسىقتاپ، ەو-عا مۇشەلىك ەتپەيتىن ەلدەرمەن ساۋدا كەلىسسوزدەرىن باستايلى. ۇكىمەت بۇعان دەيىن ءۇش جىل ىشىندە ساۋدا اينالىمىنىڭ 80%-ءى ەركىن ساۋدا تۋرالى كەلىسىممەن اياقتالادى دەپ ەسەپتەيتىنىن حابارلاعان.

ۇلىبريتانيا ەو-دان بىلتىر 29 ناۋرىزدا، ياعني قاۋىمداستىقتان شىعۋ تۋرالى جازباشا حابارلاما بەرىلگەننەن كەيىن ەكى جىل وتكەن سوڭ كەتۋى كەرەك ەدى. الايدا بريتان پارلامەنتى قاۋىمدار پالاتاسىنىڭ دەپۋتاتتارى بريۋسسەل مەن بۇرىنعى پرەمەر-مينيستر تەرەزا مەي ۇكىمەتى اراسىندا قول جەتكىزىلگەن Brexit شارتتارى تۋرالى كەلىسىمنىڭ جوباسىن ءۇش رەت كەرى قايتارعان. ناتيجەسىندە تەرەزا مەي وتستاۆكاعا كەتىپ، ورنىنا بوريس دجونسون كەلدى. ەۋروپالىق وداق Brexit-ءتى الدىمەن ءساۋىر نەمەسە مامىرعا، سودان كەيىن 31 قازانعا بەكىتۋگە كەلىستى. بۇل قادام دا ءساتسىز اياقتالىپ، مەملەكەتتىڭ وداقتان شىعاتىن مەرزىمى 31 قاڭتارعا شەگەرىلدى.

"The Qazaq Times"