47 jıldan keyin Birikken Korol'dik Europalıq odaq qwramınan şıqtı.

Däl 31 qañtarda 23.00-de (1 aqpanda Nwr-Swltan uaqıtı boyınşa 05.00), üş jarım jıldan soñ, britaniyalıqtardıñ 51,89%-i Brexit üşin dauıs berdi.

Degenmen, Wlıbritaniya men EO arasındağı kelissözder sätsiz bolğan jağdayda, elde Brexit-tiñ tiimsiz boljamdarı orındaluı mümkin: DSW tarifterin engizu, bağalardıñ kürt ösui, şekaradağı jük kölikteriniñ kezegi, däri-därmekter men Europalıq önimderdiñ tapşılığı.

Endi Britaniya biıl öziniñ jaña immigraciyalıq sayasatın pısıqtap, EO-ğa müşelik etpeytin eldermen sauda kelissözderin bastaylı. Ükimet bwğan deyin üş jıl işinde sauda aynalımınıñ 80%-i erkin sauda turalı kelisimmen ayaqtaladı dep esepteytinin habarlağan.

Wlıbritaniya EO-dan bıltır 29 naurızda, yağni qauımdastıqtan şığu turalı jazbaşa habarlama berilgennen keyin eki jıl ötken soñ ketui kerek edi. Alayda britan Parlamenti Qauımdar palatasınıñ deputattarı Bryussel' men bwrınğı prem'er-ministr Tereza Mey ükimeti arasında qol jetkizilgen Brexit şarttarı turalı kelisimniñ jobasın üş ret keri qaytarğan. Nätijesinde Tereza Mey otstavkağa ketip, ornına Boris Djonson keldi. Europalıq odaq Brexit-ti aldımen säuir nemese mamırğa, sodan keyin 31 qazanğa bekituge kelisti. Bwl qadam da sätsiz ayaqtalıp, memlekettiñ odaqtan şığatın merzimi 31 qañtarğa şegerildi.

"The Qazaq Times"