مينسكىدە وتشاشۋ كەزىندە ءبىر ادام كوز جۇمدى

بەلارۋستىڭ تاۋەلسىزدىك كۇنىنە ارنالعان مەرەكەلىك وتشاشۋ كەزىندە 64 جاستاعى ءبىر ايەل قازا تاپتى جانە 4 ادام اۋىر جاراقات الدى. تەرگەۋ جۇمىستارىنان كەيىن بەلارۋس بيلىگى رەسەيلىك پيروتەحنيكانى ايىپتادى جانە رەسەيلىك كومپانيانىڭ ەكى وكىلىن قولعا الدى.

حابارعا قاراعاندا، بەلارۋس تاۋەلسىزدىك كۇنىنە وراي ەلدىڭ ورتالىق قالاسىندا اسكەري شەرۋدەن كەيىن وتشاشۋ سالتاناتى وتكىزىلۋ جوسپارلانعان. الايدا، وتشاشۋ كەزىندەگى وقىس وقيعادان جالپى 10 ادام زارداپ شەككەن.  كۋاگەرلەردىڭ ايتۋىنشا، وتشاشۋلار اۋەگە كوتەرىلمەي جاتىپ جارىلىس بولعان.

بەلارۋستىڭ تەرگەۋ كوميتەتىنەن تىس قورعانىس مينيسترلىگى دە تەكسەرۋ جۇمىستارىن باستاعان. تەرگەۋ جۇمىستارىن جۇرگىزىپ جاتقان رەسمي تاراپتاردىڭ مالىمەتىنشە، ەلدەگى مەرەكەلىك شاراعا رەسەيدىڭ «پيرو-رۋس» كومپانياسى تەحنيكالىق كومەك كورسەتۋگە كەلىسىم بەرگەن. الايدا، وتشاشۋ قويىلعان جەردىڭ ۇشەۋىندە ادامدار جاراقات العان. تەرگەۋ توبى پيروتەحنيكالاردىڭ ساپاسىز بولۋى وقىس جاعدايعا سەبەپ بولدى دەپ سانايدى.

«پيرو-رۋس» كومپانياسى رەسەيدەگى نەگىزگى ءوندىرۋشى سانالادى، ونىڭ ونىمدەرى كوپتەگەن مەرەكەلىك شارالاردا پايدالانىلىپ كەلگەن. كومپانيانىڭ مالىمدەۋىنشە، مينسكىدە قولدانىلعان وتشاشۋلار سول ەلدە 2017 جىلى وندىرىلگەن ەكەن.

“The Qazaq Times”