ەۋروپانىڭ ادام قۇقىعى جونىندەگى سوتى ۇلىبريتانياعا قارسى ۇكىمىن شىعاردى

ۇلىبريتانيا اركەز ساياسي، ەكونوميكالىق تاۋەلسىزدىگىن ساقتاپ قالۋ ءۇشىن كۇرەسىپ ەو ەلدەرىنىڭ ءتۇرلى ەرەجەلەرىمەن كۇرەسىپ كەلەدى. قازىرگى تاڭداعى ەۋرووداق ۇيىمىنان شىعۋ تۋرالى تاقىرىپتىڭ دا ەڭ باستىسى وسى.

ەو ەلدەرىندە ەركىن اينالىمدا جۇرگەن ەۋرو ۆاليۋتاسى، ءدال وسى اعىلشىنداردىڭ فۋند سترەلينگىن الماستىرا المادى. ءتىپتى، بارلىق ەو ەلدەرىندەگى شەكارالىق باقىلاۋعا ارنالعان شەنگەن ۆيزاسى دا اتالعان ەلدىڭ شەكاراسىن كەسىپ وتۋگە قاۋقارسىزدىق تانىتتى. بۇدان بولەك، 2013 جىلى ۇلىبريتانيا ەو اينالاسىنداعى ەلدەردىڭ سالىق جانە بيۋدجەتكە ارنالعان ەكونوميكالىق قۇجاتىنا قول قويۋدان دا باس تارتقان بولاتىن.

ال، 2015 جىلى ەو سىرتقى ىستەر مينيسترلەرىنىڭ جيىنىندا بريتانيا ءمينيسترى اۋماعىنا سىرتتان كەلگەن ميگرانتتاردى ورنالاستىرۋعا ءۇزىلدى-كەسىلدى باس تارتقان ەدى. تەك، سۇرياداعى لاگەرلەردەن تىكەلەي كەلگەن بوسقىنداردى قابىلداۋعا دايىن ەكەندىكتەرىن مالىمدەگەن.

ۇلىبريتانيانىڭ ەو-تان شىعۋىنا تاعى ءبىر سەبەپ، ۇيىم ىشىندەگى ەڭ كوپ قاراجات بەرەتىن دە وسى بريتان ەلى بولىپ وتىر. جىلىنا 11 ميلليارد ەۋرودان استام قارجى قۇيعان ەلدىڭ تۇرعىندارى ەو ۇيىمىنىڭ سالىعى تىم جوعارى ەكەندىگىن العا تارتتى. سوندىقتان دا كارولدىكتىڭ ەو ۇيىمىنان شىعۋى ءتيىس دەگەن جوبا بۇدان بۇرىن دا بىرنەشە مارتە كوتەرىلگەن بولاتىن.

بۇدان كەيىن ەو ۇيىمىنان ءبولىنىپ شىعۋ تۋرالى گوللانديا جانە فرانتسيا ەلدەرى دە مالىمدەدى. ال، ۇلىبريتانيانىڭ قاراماعىنداعى شوتلانديا كەرىسىنشە بريتان كورولدىگىنەن ءبولىنىپ، ەو ۇيىمىنا مۇشە بولىپ قالۋدى قولدايتىندىعىن جەتكىزدى.

2016 جىلدىڭ 23 شىلدەسىندە العاش رەت Brexit تۋرالى رەفەرەندۋم وتكەن بولاتىن. بۇدان كەيىن ەۋروپانىڭ ادام قۇقىعى جونىندەگى سوتى ۇلىبريتانيانىڭ بىرجاقتى تارتىپپەن ەۋرووداقتان شىعۋعا قۇقىلى ەكەندىگى تۋرالى ۇكىم شىعاردى.

ەندى بارلىق ەۋرووداق ەرەجەلەرىنەن كەيىن، 2019 جىلدىڭ 29 ناۋرىزىندا ۇلىبريتانيا تولىقتاي ەو ۇيىمىنان شىعاتىن بولادى.

"The Qazaq Times"