foto: vladtime.ru

Wlıbritaniya ärkez sayasi, ekonomikalıq täuelsizdigin saqtap qalu üşin küresip EO elderiniñ türli erejelerimen küresip keledi. Qazirgi tañdağı Euroodaq wyımınan şığu turalı taqırıptıñ da eñ bastısı osı.

EO elderinde erkin aynalımda jürgen euro valyutası, däl osı ağılşındardıñ fund strelingin almastıra almadı. Tipti, barlıq EO elderindegi şekaralıq baqılauğa arnalğan şengen vizası da atalğan eldiñ şekarasın kesip ötuge qauqarsızdıq tanıttı. Bwdan bölek, 2013 jılı Wlıbritaniya EO aynalasındağı elderdiñ salıq jäne byudjetke arnalğan ekonomikalıq qwjatına qol qoyudan da bas tartqan bolatın.

Al, 2015 jılı EO sırtqı ister ministrleriniñ jiınında britaniya ministri aumağına sırttan kelgen migranttardı ornalastıruğa üzildi-kesildi bas tartqan edi. Tek, Süriyadağı lager'lerden tikeley kelgen bosqındardı qabıldauğa dayın ekendikterin mälimdegen.

Wlıbritaniyanıñ EO-tan şığuına tağı bir sebep, wyım işindegi eñ köp qarajat beretin de osı britan eli bolıp otır. Jılına 11 milliard eurodan astam qarjı qwyğan eldiñ twrğındarı EO wyımınıñ salığı tım joğarı ekendigin alğa tarttı. Sondıqtan da karol'diktiñ EO wyımınan şığuı tiis degen joba bwdan bwrın da birneşe märte köterilgen bolatın.

Bwdan keyin EO wyımınan bölinip şığu turalı Gollandiya jäne Franciya elderi de mälimdedi. Al, Wlıbritaniyanıñ qaramağındağı Şotlandiya kerisinşe britan korol'diginen bölinip, EO wyımına müşe bolıp qaludı qoldaytındığın jetkizdi.

2016 jıldıñ 23 şildesinde alğaş ret Brexit turalı referendum ötken bolatın. Bwdan keyin Europanıñ adam qwqığı jönindegi sotı Wlıbritaniyanıñ birjaqtı tärtippen Euroodaqtan şığuğa qwqılı ekendigi turalı ükim şığardı.

Endi barlıq Euroodaq erejelerinen keyin, 2019 jıldıñ 29 naurızında Wlıbritaniya tolıqtay EO wyımınan şığatın boladı.

"The Qazaq Times"